حکومت کا جمعہ کو ملک بھر میں ’’یومِ تشکر‘‘ منانے کا فیصلہ

جمعہ کو یومِ تشکر منانے کا فیصلہ

اسلام آباد (ڈیلی پاکستان آن لائن) وفاقی کابینہ نے ایران امریکا جنگ بندی پر جمعہ کو ملک بھر میں ’’یومِ تشکر‘‘ منانے کا فیصلہ کرلیا۔

یہ بھی پڑھیں: نجی شعبے میں غیر ملکی کمپنیوں کی کتنی سرمایہ کاری ہے۔۔؟ اہم تفصیلات سامنے آ گئیں

کابینہ کا اجلاس اور تاریخی جنگ بندی

وزیرِ اعظم شہbaz شریف کی زیرِ صدارت وفاقی کابینہ کا اہم اجلاس ہوا، جس میں امریکہ اور ایران کے درمیان تاریخی جنگ بندی اور پاکستان کے کلیدی کردار پر تفصیلی مشاورت کی گئی۔ اجلاس کے دوران کابینہ نے متفقہ طور پر آنے والے جمعہ کو ‘یومِ تشکر’ منانے کا فیصلہ کیا اور پاکستان کی اس عظیم سفارتی جیت پر وزیرِ اعظم کو مبارکباد پیش کی۔

یہ بھی پڑھیں: ڈیرہ اسماعیل خان، پولیس کی بروقت کارروائی، فائرنگ کے تبادلے کے بعد 14 مغوی بازیاب

قوم سے اپیل اور شکرگزاری

وزیرِ اعظم شہbaz شریف نے پوری قوم سے اپیل کی ہے کہ یومِ تشکر کے موقع پر مذاکرات کی حتمی کامیابی اور خطے کے امن کے لیے خصوصی دعائیں کی جائیں۔ وزیرِ اعظم نے اس مشن میں فیلڈ مارشل جنرل عاصم منیر کی انتھک کاوشوں کو شاندار الفاظ میں سراہا، جس پر کابینہ ارکان نے ڈیسک بجا کر انہیں خراجِ تحسین پیش کیا۔

یہ بھی پڑھیں: راولپنڈی کے حکیم بابر نے نوجوان لڑکی سے شادی کرلی

پاکستان کا وقار اور تاریخی کامیابی

انہوں نے کہا کہ اللہ تعالیٰ نے پاکستان کا وقار بلند کیا ہے اور یہ کامیابی پوری قوم کی ہے، جس کے باعث پاکستان کو امریکہ ایران مذاکرات کی میزبانی کا عظیم شرف حاصل ہوا ہے۔ شہباز شریف نے صدر آصف علی زرداری، نائب وزیرِ اعظم اور بلاول بھٹو زرداری کی کوششوں کو بھی لائقِ تحسین قرار دیا اور کہا کہ تمام اسٹیک ہولڈرز کی مشترکہ جدوجہد سے یہ ناممکن کام ممکن ہوا۔

مستقل امن کا عزم

وزیرِ اعظم نے اپنے خطاب میں اس عزم کا اظہار کیا کہ ہم اس عارضی جنگ بندی کو مستقل امن میں تبدیل کرنے کے لیے تمام کوششیں بروئے کار لائیں گے۔ ہمارا مقصد خطے اور دنیا کو آگ کے شعلوں سے بچا کر پرامن بنانا ہے۔ پاکستان دنیا میں امن کے قیام کے لیے اپنا کلیدی کردار ادا کرتا رہے گا، اور موجودہ پیش رفت سے ثابت ہو گیا ہے کہ پاکستان ایک ذمہ دار ایٹمی قوت ہے جو عالمی بحرانوں کو حل کرنے کی صلاحیت رکھتا ہے۔