پی ایم ڈی سی نے ایم ڈی کیٹ کے پاسنگ مارکس میں کمی کر دی
پاسنگ پرسنٹیج میں رعایت
اسلام آباد(ڈیلی پاکستان آن لائن)میڈیکل اور ڈینٹل کالجز میں خالی نشستوں کو بھرنے کیلئے پاسنگ پرسنٹیج میں 3 فیصد رعایت کا اعلان کر دیا گیا۔
یہ بھی پڑھیں: پی آئی اے سمیت قومی اداروں کی نجکاری اس بات کا ثبوت ہے کہ تمام حکومتیں انہیں درست انداز میں چلانے میں ناکام رہیں،سراج الحق
پاکستان میڈیکل اینڈ ڈینٹل کونسل کا فیصلہ
نجی ٹی وی چینل ہم نیوز کے مطابق پاکستان میڈیکل اینڈ ڈینٹل کونسل نے میڈیکل اور ڈینٹل کالجز میں خالی نشستوں کو پُر کرنے کے لیے ایم ڈی کیٹ کے پاسنگ مارکس میں 3 فیصد کمی کا اعلان کر دیا ہے۔
یہ بھی پڑھیں: میرب علی سے بریک اپ کے بعد عاصم اظہر کے کنسرٹ میں ہانیہ عامر کی شرکت سے ایک بار پھر دونوں کے تعلقات ٹھیک ہونے کی چہ مگوئیاں
تبدیلیاں اور نئے پاسنگ مارکس
نوٹیفکیشن کے مطابق ایم بی بی ایس کے لیے پاسنگ پرسنٹیج 55 فیصد سے کم کر کے 52 فیصد کر دی گئی ہے جبکہ بی ڈی ایس کے لیے پاسنگ مارکس 50 فیصد سے کم کر کے 47 فیصد مقرر کیے گئے ہیں۔
یہ بھی پڑھیں: امام بارگاہ دھماکے میں آئی جی اسلام آباد کا کزن بھی شہید، والدین کا اکلوتا بیٹا تھا
داخلوں کی ہدایات
پی ایم ڈی سی نے تمام جامعات کو ہدایت کی ہے کہ داخلوں کا عمل 15 اپریل تک مکمل کیا جائے اور پہلے سے اہل امیدواروں کو ترجیح دی جائے، اعلامیے کے مطابق اگر نشستیں خالی رہ جائیں تو ہی نئی رعایت کا اطلاق کیا جائے گا۔
یہ بھی پڑھیں: وزیر اعلیٰ بلوچستان کا صوبے کے بعض اسپتالوں میں ہیلتھ کارڈز کے تحت علاج میں رکاوٹ کے معاملے کا نوٹس، رپورٹ طلب کرلی
طلبہ کی فیسوں میں کمی
پاکستان میڈیکل اینڈ ڈینٹل کونسل نے مستحق طلبہ کی فیسوں میں کمی کی بھی ہدایت دی ہے اور واضح کیا ہے کہ داخلوں میں میرٹ اور شفافیت کو ہر صورت برقرار رکھا جائے۔
فیسوں کی نگرانی
نوٹیفکیشن میں خبردار کیا گیا ہے کہ مقررہ فیس سے زائد وصول کرنے والے اداروں کے خلاف سخت کارروائی عمل میں لائی جائے گی۔
