وزیراعظم ہاؤس میں اعلیٰ سطح کا اجلاس، سول و عسکری قیادت کی شرکت

اجلاس کا انعقاد

اسلام آباد (ڈیلی پاکستان آن لائن) وزیراعظم ہاؤس میں اعلیٰ سطح کا اجلاس ہوا ہے۔

یہ بھی پڑھیں: حکومت کا 23 مارچ یوم پاکستان کے موقع پر پریڈ اور دیگر تقریبات نہ کرنے کا فیصلہ

شرکاء کی تفصیلات

نجی ٹی وی چینل دنیا نیوز کے مطابق، ذرائع کا کہنا ہے کہ اجلاس میں سول و عسکری قیادت نے شرکت کی، جس میں اسلام آباد مذاکرات کے حوالے سے مشاورت اور فیصلے کئے گئے۔

وزیرخارجہ اسحاق ڈار، وزیر دفاع خواجہ آصف، اور وزیر داخلہ محسن نقوی اجلاس میں موجود تھے۔

یہ بھی پڑھیں: پاکستان نے بھارت میں ہونے والے AVC والی بال نیشنز کپ کے لیے کوالیفائی کر لیا

کامیابی کا عزم

ذرائع کے مطابق شرکاء نے اسلام آباد مذاکرات کو کامیاب بنانے کے عزم کا اظہار کیا۔ شرکاء کا کہنا تھا کہ جنگ بندی پر پاکستان کے مثبت کردار کو عالمی سطح پر سراہا جا رہا ہے۔

آنے والے مذاکرات

یاد رہے کہ ایران اور امریکا میں جنگ بندی کے بعد اسلام آباد میں دونوں ممالک کے درمیان مذاکرات ہونے جا رہے ہیں۔ ان مذاکرات میں ایرانی سپیکر، وزیرخارجہ جبکہ امریکا کی جانب سے نائب صدر جے ڈی وینس، اسٹیووٹکوف اور جیرڈ کرشنر شریک ہوں گے۔