پاکستان نے ہمیشہ مثبت سفارتکاری اور بات چیت کو اولین ترجیح دی ہے: ممتاز زہرہ بلوچ

پاکستان کا مثبت کردار

پیرس (مانیٹرنگ ڈیسک) فرانس میں تعینات سفیرِ پاکستان ممتاز زہرہ بلوچ کا کہنا ہے کہ پاکستان کی پرخلوص کوشش نتیجہ خیز اور قیامِ امن میں سنگِ میل ثابت ہو گی۔ پاکستان نے ہمیشہ مثبت سفارت کاری اور بات چیت کو اولین ترجیح دی ہے۔

یہ بھی پڑھیں: سال 2026 کے لیے گندم کی قیمت 3500 روپے فی من مقرر، نوٹیفکیشن جاری

امریکہ - ایران جنگ بندی میں تعاون

ممتاز زہرہ بلوچ نے فرانسیسی نشریاتی ادارے کو انٹرویو دیتے ہوئے امریکہ - ایران جنگ بندی کے حوالے سے پاکستان کے مثبت کردار اور سفارتی کوششوں پر بات کی ہے۔ پاکستانی حکومت اور عسکری قیادت شروع سے سفارتی کوششیں کر رہے تھے جس کا نتیجہ جنگ بندی اور مذاکرات کے اعلان کے ساتھ ہوا۔ یہ سفارت کاری اور مکالمے کی فتح ہے، پاکستان نے ہمیشہ مثبت سفارتکاری اور بات چیت کو اولین ترجیح دی ہے۔

یہ بھی پڑھیں: اوپن اور انٹر بینک مارکیٹ میں ڈالر مسلسل چوتھے روز مہنگا

عالمی تعاون کی ضرورت

’’جنگ‘‘ کے مطابق ممتاز زہرہ بلوچ نے کہا کہ امریکہ - ایران جنگ روکنے میں سفارتکاری کو کامیاب بنانے کے اس عمل میں ترکیہ، مصر، چین، قطر اور سعودی عرب کے شکر گزار ہیں جن کی مشترکہ کاوشوں سے عارضی جنگ بندی ممکن ہوئی اور دنیا نے سکھ کا سانس لیا۔

مذاکراتی عمل کی کامیابی کی امید

سفیرِ پاکستان نے اس توقع کا اظہار کیا کہ مذاکراتی عمل کو کامیاب بنانے کے لیے پاکستان سمیت دیگر ممالک بھرپور کردار ادا کریں گے۔ مذاکرات کی کامیابی سے خطے میں امن اور استحکام قائم ہو گا اور دنیا بھر میں مثبت اثرات مرتب ہوں گے。