وزیراعظم شہباز شریف اور فیلڈ مارشل عاصم منیر کی ملاقات، خطے میں کشیدگی کے خاتمے کے لیے ہونے والی ثالثی کی کوششوں پر اطمینان کا اظہار

وزیراعظم اور فیلڈ مارشل کی ملاقات

اسلام آباد (ڈیلی پاکستان آن لائن) وزیراعظم شہباز شریف اور فیلڈ مارشل عاصم منیر نے خطے میں کشیدگی کے خاتمے کے لیے ہونے والی ثالثی کی کوششوں پر اطمینان کا اظہار کیا اور اقدامات کا جائزہ لیا۔ دونوں نے فریقین کو تحمل کا مظاہرہ کرنے پر تعریف کی۔

یہ بھی پڑھیں: زمبابوے فضائیہ کے کمانڈر کی قیادت میں اعلیٰ سطحی وفد کی پاک فضائیہ کے سربراہ ظہیر احمد بابر سدھو سے ملاقات

خطے میں امن کوششوں کا جائزہ

وزیراعظم آفس سے جاری بیان کے مطابق، فیلڈ مارشل عاصم منیر نے وزیراعظم ہاؤس میں وزیراعظم شہباز شریف سے ملاقات کی۔ ملاقات کے دوران دونوں رہنماؤں نے خطے میں پائیدار امن کے قیام کے لیے پاکستان کی ثالثی کی کوششوں پر تفصیلی جائزہ لیا اور کشیدگی میں کمی پر اطمینان کا اظہار کیا۔

یہ بھی پڑھیں: نئے ٹیکس قواعد نے تاجروں کو الجھن میں ڈال دیا، قواعد واضح کیے بغیرشرائط لاگو نہ کی جائیں، چیئرمین پی سی ڈی ایم اے کا مطالبہ

جنگ بندی اور امن کی اہمیت

وزیراعظم شہباز شریف اور فیلڈ مارشل نے تمام فریقین پر زور دیا کہ وہ جنگ بندی اور امن کو برقرار رکھیں۔ انہوں نے تحمل کے مظاہرے کو سراہا اور عزم کا اعادہ کیا کہ پاکستان فریقین کے درمیان پرامن اور باہمی مذاکرات کے ذریعے حل کے لیے ہر ممکن سہولت اور مکمل تعاون فراہم کرتا رہے گا۔

نیک خواہشات اور دعوت نامے

وزیراعظم شہباز شریف نے عمل میں شامل فریقین کے عزم کی تعریف کی اور امن کے حصول کی کوششوں کے لیے نیک خواہشات کا اظہار کیا۔ دونوں رہنماوں نے پاکستان آنے والے وفود کو دعوت دینے کا بھی اعادہ کیا، اور انہیں ہر ممکن سہولت اور مکمل تعاون کی یقین دہانی کرائی۔