معذور افراد کے لیے سرکاری و نجی عمارتوں میں آسان رسائی کو یقینی بنایا جائے: سہیل شوکت بٹ

اجلاس کی تفصیلات

لاہور( ڈیلی پاکستان آن لائن ) صوبائی وزیر سوشل ویلفیئر و بیت المال سہیل شوکت بٹ کی زیر صدارت ایک اہم اجلاس ہوا جس میں کونسل آن دی رائٹس آف پرسنز ود ڈس ایبیلیٹیز (CRPD) کے امور اور کارکردگی کا تفصیلی جائزہ لیا گیا۔

یہ بھی پڑھیں: وزیراعظم نے کابینہ کا اجلاس طلب کرلیا

پنجاب امپاورمنٹ ایکٹ پر عملدرآمد

اجلاس میں پنجاب امپاورمنٹ آف پرسنز ود ڈس ایبیلیٹیز ایکٹ پر مؤثر عملدرآمد کے لیے اقدامات کو مزید تیز کرنے کا فیصلہ کیا گیا۔ صوبائی وزیر کو معذور افراد کے حقوق، سہولیات اور درپیش مسائل کے حوالے سے تفصیلی بریفنگ دی گئی۔

یہ بھی پڑھیں: مذہبی منافرت اور تقسیم روکنا علماء کی ذمہ داری ہے: مریم نواز، آئمہ میں اعزازیہ کارڈ تقسیم

معذور افراد کی رسائی کی بہتری

صوبائی وزیر نے ہدایت کی کہ معذور افراد کے لیے سرکاری و نجی عمارتوں تک آسان رسائی کو ہر صورت یقینی بنایا جائے۔ انہوں نے تعلیمی اداروں میں خصوصی بچوں کے لیے سہولیات کی فراہمی پر بھی زور دیا۔ مزید برآں، سرکاری و نجی اداروں میں معذور افراد کے حقوق اور متعلقہ قوانین سے آگاہی فراہم کرنے کی بھی ہدایت کی گئی تاکہ معاشرے میں شعور اجاگر ہو سکے۔

اجلاس کی شمولیت

اجلاس میں ڈائریکٹر سی آر پی ڈی مزمل یار سمیت دیگر متعلقہ افسران نے شرکت کی۔