93 فیصد عوام نے جنگ بندی کی کوششوں میں پاکستان کے ثالثی کے کردار کی حمایت کی، گیلپ سروے

جنگ بندی کی کوششوں کی حمایت

لاہور(ڈیلی پاکستان آن لائن) جنگ بندی کی کوششوں میں حکومت کو عوام کی بھرپور سپورٹ حاصل ہے۔ گیلپ کے تازہ ترین سروے میں سامنے آیا ہے کہ پاکستان میں 93 فیصد عوام، جنگ بندی کی کوششوں کی حمایت کرتے ہیں اور 80 فیصد امن کے لیے پرامید ہیں۔

یہ بھی پڑھیں: ایرانی سپریم لیڈر نے ملک میں پرتشدد احتجاج کے دوران اموات اور نقصانات کے لیے امریکی صدر کو ذمہ دار قرار دے دیا

سروے کے نتائج

8 اور 9 اپریل کو ہونے والے سروے میں سامنے آیا کہ 82 فیصد عوام، جنگ بندی کے لیے پاکستانی حکومت کی کوششوں سے واقف ہیں، جبکہ 46 فیصد عوام نے کہا کہ وہ ایک زبردست ڈیل کے بارے میں سن رہے ہیں۔

یہ بھی پڑھیں: بھاری جرمانے کی ادائیگی کے بعد برازیل میں ایکس پر پابندی ختم

ثالثی کا کردار

93 فیصد عوام نے جنگ بندی کی کوششوں میں پاکستان کے ثالثی کے کردار کی حمایت کی ہے، جن میں 72 فیصد ایسے ہیں جو اس کی پرزور حمایت کرتے ہیں جبکہ ثالثی سے گریز کرنے والوں کی تعداد بہت کم رہی۔