پاسپورٹ آفس کو ایک مثالی ادارہ بنانے کا عزم، ڈی جی پاسپورٹ کے پہلے اجلاس کی اندر کی کہانی منظر عام پر آ گئی

اسلام آباد میں نئی تبدیلیاں

اسلام آباد، لندن (وقار ملک ) سابق کمشنر اسلام آباد اور چیئرمین سی ڈی اے، علی رندھاوا نے ڈائریکٹر جنرل کے عہدے کا چارج سنبھالتے ہی اہم اور فوری نوعیت کے فیصلے کرتے ہوئے ادارے میں اصلاحات کے عمل کا آغاز کر دیا ہے۔ ان کے پہلے ہی روز کی سرگرمیوں نے واضح کر دیا ہے کہ وہ ادارے کو ایک فعال، شفاف اور جوابدہ نظام میں تبدیل کرنے کے لیے پُرعزم ہیں۔

یہ بھی پڑھیں: خیبرپختونخوا اسمبلی امن جرگہ کا اعلامیہ جاری کردیا گیا، اسپیکر سمیت 21 جرگہ ممبرز نے دستخط کئے

پہلا باضابطہ اجلاس

عہدہ سنبھالنے کے بعد اپنے پہلے باضابطہ اجلاس میں علی رندھاوا نے ادارے کی کارکردگی کا تفصیلی جائزہ لیا اور فوری طور پر ری شفلنگ (تبادلوں اور ذمہ داریوں کی نئی تقسیم) کے احکامات جاری کیے۔ انہوں نے لائق، محنتی اور دیانتدار افسران و ملازمین کو اہم ذمہ داریاں سونپتے ہوئے واضح کیا کہ اب کارکردگی ہی ترقی کا معیار ہو گی۔

یہ بھی پڑھیں: مخلوط حکومت میں شامل جماعتوں کے تعاون سے ترقی کا سفر مزید تیز کیا جا سکتا ہے: وزیراعظم

کارکردگی کے معیار

اجلاس سے خطاب کرتے ہوئے انہوں نے سختی سے ہدایت دی کہ سست روی، غفلت اور کام میں رکاوٹ ہرگز برداشت نہیں کی جائے گی۔ ان کا کہنا تھا کہ “جو کام کرے گا وہی میرے ساتھ چل سکے گا”، جبکہ غیر ذمہ دار اور کرپشن میں ملوث عناصر کے لیے ادارے میں کوئی جگہ نہیں ہوگی۔

یہ بھی پڑھیں: فیصل آباد؛ بجلی چوری اور بل ادا نہ کرنے پر پورے گاؤں کی بجلی منقطع

نئی حکمت عملی

علی رندھاوا نے اس عزم کا اظہار کیا کہ وہ ادارے کو کرپشن سے پاک کر کے ایک معتبر اور مثالی قومی ادارہ بنائیں گے۔ انہوں نے کہا کہ ادارے کی ترقی حکومت کے وژن اور پالیسیوں کے مطابق کی جائے گی، اور صرف وہی افراد ادارے میں برقرار رہ سکیں گے جو مخلص اور دیانتداری کے ساتھ اپنے فرائض انجام دیں گے۔

یہ بھی پڑھیں: بنگلہ دیش کی نئی حکومت نے نئے کرنسی نوٹوں پر شیخ مجیب کی تصویر ہٹا کر کس کی لگا دی؟ حسینہ واجد کو ایک اور جھٹکا

ملازمین کی حمایت

اجلاس میں موجود ملازمین نے بھی اس عزم کا اعادہ کیا کہ وہ اپنی ذمہ داریاں پوری محنت، ایمانداری اور پیشہ ورانہ انداز میں ادا کریں گے۔ ملازمین نے علی رندھاوا کو ایک قابل، دیانتدار اور محب وطن افسر قرار دیتے ہوئے امید ظاہر کی کہ ان کی قیادت میں ادارہ نمایاں ترقی کرے گا۔

پاسپورٹ آفس میں تبدیلیاں

ذرائع کے مطابق، پاسپورٹ آفس میں علی رندھاوا کی آمد کے پہلے روز کی کارروائیوں نے ادارے کے اندر ایک مثبت پیغام دیا ہے اور توقع کی جا رہی ہے کہ آنے والے دنوں میں مزید اصلاحات اور بہتری دیکھنے کو ملے گی۔