بینک آف پنجاب اور اے آئی کے درمیان مفاہمت کی یادداشت پر دستخط

نئی ترقی کی راہیں

وزیراعلیٰ پنجاب مریم نواز شریف کے ڈیجیٹل پنجاب ویژن کے تحت ٹیکنالوجی اور آرٹیفیشل انٹیلیجنس (اے آئی) کے ذریعے ترقی کی نئی راہیں ہموار کی جا رہی ہیں۔ اسی سلسلے میں بینک آف پنجاب اور دی آفس آف اے آئی کے درمیان ایک اہم مفاہمتی یادداشت (MoU) پر دستخط کیے گئے ہیں، جو صوبے میں ڈیجیٹل معیشت کے فروغ کی جانب ایک اہم پیش رفت ہے۔

یہ بھی پڑھیں: جی ایس پی پلس سٹیٹس برقرار رہنا چاہیے، اس پر سمجھوتا نہیں ہوسکتا: ایس ایم تنویر

مشیر وزیراعلیٰ کی قیادت میں

یہ اشتراک مشیر وزیراعلیٰ پنجاب برائے مصنوعی ذہانت علی ڈار کی قیادت میں عمل میں آیا، جو پنجاب کو جدید ٹیکنالوجی کے میدان میں آگے لے جانے کے عزم کی عکاسی کرتا ہے۔ علی ڈار کے مطابق یہ معاہدہ پنجاب میں آرٹیفیشل انٹیلیجنس کے عملی استعمال کا ایک نیا باب کھولے گا اور صوبے کی ڈیجیٹل ترقی کو نئی رفتار دے گا۔

یہ بھی پڑھیں: شہباز کو ہٹانے، بلاول کو لانے کیلئے ایوان صدر میں خفیہ ملاقاتیں ہورہی ہیں: بیرسٹر سیف

پنجاب اے آئی ڈیٹا سینٹر

انہوں نے بتایا کہ اس منصوبے کے تحت پنجاب اے آئی ڈیٹا سینٹر اور فنانشل ڈیٹا ویئرہا¶س کا قیام نواز شریف آئی ٹی سٹی میں کیا جائے گا، جو صوبے میں مضبوط ڈیٹا انفراسٹرکچر کی بنیاد فراہم کرے گا۔ ان کا کہنا تھا کہ 2029 تک پنجاب کو جنوبی ایشیا کا سب سے بڑا اے آئی سے فعال صوبہ بنانے کا ہدف مقرر کیا گیا ہے، جبکہ جدید ڈیٹا نظام کے ذریعے پنجاب کو خطے میں اے آئی کا ایک فعال مرکز بنایا جائے گا۔

یہ بھی پڑھیں: کراچی؛ایران، اسرائیل، امریکا جنگ، جیٹ فیول کی قیمت میں فی لٹر 46روپے کا اضافہ

مالی سہولیات کی بہتری

علی ڈار نے مزید کہا کہ اس شراکت داری کے تحت کسانوں، چھوٹے کاروباروں اور ہا¶سنگ سیکٹر کے لیے جدید کریڈٹ حل متعارف کروائے جائیں گے، جبکہ اے آئی کے ذریعے مالی سہولیات تک عام عوام کی رسائی کو مزید آسان بنایا جائے گا۔ یہ اقدام وزیراعلیٰ پنجاب مریم نواز شریف کے اس وژن کے عین مطابق ہے جس کے تحت صوبے کو مکمل طور پر ڈیجیٹل اور اے آئی سے لیس بنانے کے لیے جامع اقدامات کیے جا رہے ہیں۔

یہ بھی پڑھیں: ویوو پاکستان کا سماجی خدمت میں بڑا قدم، “Capture the Future” مہم کے دوسرے مرحلے کا آغاز ہوگیا

نوکریوں کی تخلیق

مشیر وزیر اعلی پنجاب علی ڈار نے اس امر پر بھی زور دیا کہ یہ منصوبہ ایک لاکھ سے زائد نوکریوں کی فراہمی کے ہدف کے حصول میں مثبت کردار ادا کرے گا اور نوجوانوں کے لیے ٹیکنالوجی اور روزگار کے نئے دروازے کھولے گا۔ مزید برآں، اسٹارٹ اپس، جامعات اور عالمی اے آئی کمپنیوں کے ساتھ اشتراک کو فروغ دیا جائے گا تاکہ جدت اور تحقیق کے مواقع بڑھ سکیں۔

یہ بھی پڑھیں: سیت پور: ریسکیو کی کشتی الٹنے کے باعث ڈوبنے والے لڑکے کی لاش مل گئی

فائدہ مند شراکت داری

علی ڈار کے مطابق اس اقدام سے ایس ایم ایز، زراعت اور کم سہولت یافتہ طبقات کے لیے قرضوں تک رسائی میں نمایاں آسانی پیدا ہوگی، جبکہ اے آئی کے م¶ثر استعمال کے ذریعے معیشت کو مضبوط اور عوام کو بااختیار بنایا جائے گا۔یہ شراکت داری پنجاب کو ڈیجیٹل دور میں ایک نمایاں مقام دلانے اور جدید ٹیکنالوجی کے ذریعے پائیدار ترقی کے اہداف حاصل کرنے کی جانب ایک اہم سنگ میل ثابت ہوگی۔

نوٹ

یہ مصنف کا ذاتی نقطہ نظر ہے جس سے ادارے کا متفق ہونا ضروری نہیں ۔