یومِ دستور پر سینیٹر سرمد علی کا پیغام آگیا

یومِ دستورِ پاکستان

لاہور (ویب ڈیسک) یومِ دستورِ پاکستان کے موقع پر ہم 1973 کے آئین کی متفقہ منظوری کو یاد کرتے ہیں، جو ہماری قومی تاریخ کا ایک نہایت اہم اور فیصلہ کن سنگِ میل ہے۔ اس دن نے پاکستان کو ایک جمہوری اور وفاقی آئینی ڈھانچہ دیا، اس سلسلے میں سینیٹر سرمد علی کا پیغام آگیا۔

یہ بھی پڑھیں: ڈونلڈ ٹرمپ نے ٹیرف عائد کرتے وقت اپنے اختیارات سے تجاوز کیا، امریکی عدالت نے ٹیرف اقدامات کو کالعدم قرار دے دیا

سینیٹر سرمد علی کا پیغام

ان کا کہنا تھا کہ یہ تاریخی کارنامہ شہید ذوالفقار علی بھٹو کی قیادت، وژن اور سیاسی بصیرت کا ثمر ہے، جنہوں نے بحیثیت وزیرِاعظم آئینی عمل کی رہنمائی میں مرکزی اور کلیدی کردار ادا کیا۔ ساتھ ہی ملک کی مختلف سیاسی جماعتوں کی قیادت نے بھی اس پارلیمانی اتفاقِ رائے کو تشکیل دینے میں مثبت، بامعنی اور قابلِ قدر حصہ ڈالا۔

یہ بھی پڑھیں: میرے پاس الفاظ نہیں کہ بتا سکوں کہ وزیرِ اعلیٰ بھاٹی گیٹ کے واقعے پر کتنی غمزدہ تھیں: عظمیٰ بخاری

آئین کا اجتماعی قومی معاہدہ

1973 کا آئین دراصل ایک اجتماعی قومی معاہدہ ہے، جو مکالمے، مفاہمت اور جمہوریت، وفاقیت اور بنیادی حقوق کے تحفظ کے مشترکہ عزم کی روشن عکاسی کرتا ہے۔

عہد کی تجدید

اس دن کے موقع پر آئیں اس عہد کی تجدید کریں کہ ہم آئین کی روح اور اس کے متن دونوں کی مکمل پاسداری کریں گے، اور ان جمہوری اداروں کو مزید مستحکم بنائیں گے جن کے تحفظ کے لیے یہ آئین تشکیل دیا گیا تھا، پاکستان پائندہ باد۔