حکومت کی تعریف پر اداکارہ مشی خان کو ٹرولنگ کا سامنا، ویڈیو پیغام جاری کردیا

مشی خان کی پی ٹی آئی کارکنوں سے گفتگو

کراچی (ڈیلی پاکستان آن لائن) امریکہ اور ایران کے مذاکرات میں حکومت کے کردار پر اپنی تعریف کے حوالے سے ویڈیو بنانے پر اداکارہ مشی خان کو پی ٹی آئی کارکنوں کی جانب سے ٹرولنگ کا سامنا کرنا پڑا۔ جس کے جواب میں انہوں نے ایک اور ویڈیو پیغام جاری کیا۔

یہ بھی پڑھیں: پاکستان کو امریکہ کے ساتھ ’’گرینڈ مدر آف آل ڈیل‘‘ کرنی چاہیے، ابراہیم مراد

اداکارہ کا پیغام

اپنے ویڈیو پیغام میں مشی خان نے پی ٹی آئی کارکنوں کو مخاطب کرتے ہوئے کہا: "آپ لوگ بڑے عجیب ہیں، میں نے وزیر اعظم کا شکریہ ادا کردیا، اور آپ لوگ تو پیچھے ہی پڑگئے۔"

یہ بھی پڑھیں: میر خلیل الرحمان کا انتقال ہوا تو ایک رپورٹر وفاداری ثابت کرنے کیلئے قبر میں لیٹ گیا تھا: وسعت اللہ خان

کسی کی تعریف کرنا ہمارا فرض

انہوں نے مزید کہا کہ اچھے کام پر کسی کی تعریف کرنا ہمارا فرض بنتا ہے، اور آپ لوگ جو بھی الٹا سیدھا بول رہے ہیں اس کا مجھے فرق نہیں پڑتا۔

خان صاحب کی حمایت

مشی خان نے واضح کیا: "میں ہمیشہ خان صاحب کو سپورٹ کرتی رہی ہوں اور ہمیشہ سپورٹ کرتی رہوں گی۔ اس کا یہ مطلب نہیں ہے کہ پاکستان یا دنیا کی سلامتی کے لیے کوئی کام ہو تو اس کی تعریف نہ کی جائے۔ یہ زیادتی کی بات ہے۔"