بحیرہ عرب میں پاک بحریہ کا کامیاب ریسکیو آپریشن، غیر ملکیوں سمیت 18 افراد کو بچا لیا گیا

پاکستان نیوی کا بروقت ریسکیو آپریشن

کراچی(ڈیلی پاکستان آن لائن) پاکستان نیوی نے بحیرہ عرب میں بروقت کارروائی کرتے ہوئے ایک تجارتی جہاز کے 18 عملے کے ارکان کو بحفاظت ریسکیو کر لیا۔

یہ بھی پڑھیں: پاک فوج کی سپن بولدک چمن سیکٹر میں جوابی کارروائی کے بعد افغان طالبان نے جنگ بندی کی درخواست کر دی

ہنگامی مدد کی کال

ترجمان کے مطابق، یہ کارروائی اس وقت عمل میں لائی گئی جب جہاز کی جانب سے ہنگامی مدد کی کال موصول ہوئی۔ جہاز شمالی بحیرہ عرب میں پاکستان کے ساحل سے تقریباً 200 ناٹیکل میل (370 کلومیٹر) دور موجود تھا۔

یہ بھی پڑھیں: جب تک عمران خان واضح پیغام نہیں دیں گے ، مذاکرات شروع نہیں ہو سکتے، خواجہ آصف

ریسکیو کیے گئے افراد

بیان میں کہا گیا ہے کہ ریسکیو کیے گئے افراد میں چین، بنگلہ دیش، میانمار، ویتنام اور انڈونیشیا کے شہری بھی شامل ہیں۔

یہ بھی پڑھیں: راولپنڈی میں زیادتی کے درجنوں مقدمات میں مطلوب ملزم اپنے انجام کو پہنچ گیا

علاج اور واپسی کے انتظامات

پاک بحریہ نے فوری اور انسانی ہمدردی کی بنیاد پر کارروائی کرتے ہوئے تمام افراد کو بحفاظت کراچی منتقل کیا جبکہ طبی سہولیات اور واپسی کے انتظامات بھی کیے جا رہے ہیں۔

بین الاقوامی انسانی ہمدردی

پاک بحریہ نے عالمی سطح پر انسانی ہمدردی اور پیشہ ورانہ عزم کا مظاہرہ کیا۔