اسلام آباد میں امریکہ اور ایران کے درمیان 2 ادوار پر مشتمل باضابطہ مذاکرات اب تک مکمل ہو گئے، ماحول مثبت، نتائج مجموعی طور پر حوصلہ افزاء قرار

امریکہ اور ایران کے مذاکرات کا آغاز

اسلام آباد (ڈیلی پاکستان آن لائن) اسلام آباد میں امریکہ اور ایران کے درمیان 2 ادوار پر مشتمل باضابطہ مذاکرات اب تک مکمل ہو گئے ہیں۔ ماحول مثبت، نتائج مجموعی طور پر حوصلہ افزاء قرار دیئے جا رہے ہیں۔

یہ بھی پڑھیں: شوٹنگ کے دوران بالی وڈ اداکار سنیل شیٹھی شدید زخمی ہوگئے

ثالثی میں پاکستان کی کردار

تفصیلات کے مطابق اسلام آباد میں امریکہ اور ایران کے مذاکرات میں پاکستان ثالث کی حیثیت سے شریک ہے، جہاں 2 ادوار پر مشتمل باضابطہ مذاکرات اب تک مکمل ہو چکے ہیں۔

یہ بھی پڑھیں: اللہ نے ملاملٹری الائنس فطری طور پر بنایا ہے، طاہر محمود اشرفی کا ناقدین کو جواب

مرحلے کی تفصیلات

’’جیو نیوز‘‘ نے ذرائع کے حوالے سے بتایا ہے کہ پہلے مرحلے میں امریکی اور ایرانی وفود کے درمیان علٰیحدہ علیٰحدہ ملاقاتیں ہوئیں، جبکہ دوسرے مرحلے میں براہِ راست مذاکرات شروع ہوئے۔ جے ڈی وینس، سٹیو وٹکوف اور جیرڈ کشنر نے ایرانی وفد سے ملاقات کی۔ امریکی وفد نے محمد باقر قالیباف اور عباس عراقچی سے براہِ راست بات چیت کی۔ ملاقات فیلڈ مارشل عاصم منیر کی موجودگی میں ہوئی۔

یہ بھی پڑھیں: بھارت کا مقامی سطح پر تیار کردہ ہائپرسونک میزائل کا تجربہ

ورکنگ ڈنر اور تکنیکی مذاکرات

اس وقت دونوں وفود کے درمیان ورکنگ ڈنر جاری ہے۔ ورکنگ ڈنر کے بعد تیسرے مرحلے کے تکنیکی مذاکرات شروع ہوں گے، جن میں دونوں جانب کے سینیئر حکام شریک ہوں گے۔ ان مذاکرات میں تفصیلات اور باقی معاملات پر بات کی جائے گی۔

یہ بھی پڑھیں: ثناء میر کا آئی سی سی ہال آف فیم میں شامل ہونا پاکستان کی ہر بیٹی کی جیت ہے: مریم نواز

نقاط کی مثبتیت

ذرائع نے بتایا کہ اب تک مذاکرات کا مجموعی ماحول مثبت رہا ہے اور نتائج بھی مجموعی طور پر حوصلہ افزاء قرار دیئے جا رہے ہیں۔

وزیر اعظم کے ساتھ ملاقاتیں

مذاکرات سے قبل ایران اور امریکہ کے وفود نے وزیر اعظم شہباز شریف سے الگ الگ ملاقاتیں کیں۔ ان ملاقاتوں میں علاقائی اور عالمی امن کی صورتِ حال پر غور کیا گیا۔