جماعت اسلامی نے ’’حق دو لیاری کی عوام کو‘‘ کے نام سے مہم شروع کرنے کا اعلان کر دیا

جماعت اسلامی کی نئی مہم

لیاری (ڈیلی پاکستان آن لائن) جماعت اسلامی نے ’’حق دو لیاری کی عوام کو‘‘ کے نام سے مہم شروع کرنے کا اعلان کر دیا ہے۔

یہ بھی پڑھیں: وزیر اعظم کا وفاقی کابینہ میں توسیع کا فیصلہ

مہم کا پس منظر

تفصیلات کے مطابق، امیر جماعت اسلامی کراچی، منعم ظفر نے کہا ہے کہ لیاری کو پیرس بنانے کا وعدہ 18 سال سے کیا جا رہا ہے۔ آج بھی لیاری پتھر کے دور میں ہے۔

یہ بھی پڑھیں: سونے کی عالمی و مقامی مارکیٹوں میں قیمتیں مستحکم

میڈیا کے سامنے اہم انکشافات

کراچی میں لیاری آٹھ چوک پر میڈیا سے گفتگو کرتے ہوئے، انہوں نے کہا کہ ناصر حسین شاہ نے لیاری ٹرانسمیشن پروجیکٹ کا اعلان کیا ہے کہ لیاری کی سڑکیں بنائی جائیں گی۔ انہوں نے یہ بھی کہا کہ سیوریج کا نظام ٹھیک ہوگا اور صاف پانی آئے گا، مگر یہ تمام وعدے پیپلز پارٹی 18 سال سے کرتی آ رہی ہے۔ یہاں ہر آنے والا پیکج کرپشن کا دھندا ہے۔

پیپلز پارٹی پر تنقید

’’جنگ‘‘ کے مطابق، منعم مظفر نے کہا کہ لیاری ٹاؤن پیپلز پارٹی کے پاس ہے۔ انہوں نے کہا کہ لیاری کی ہر یونین کونسل کو دو دو کروڑ روپے پی پی نے دلوائے ہیں۔ 13 یونین کونسلز ہیں، جن میں سے 2 سال میں 52 کروڑ دیئے گئے ہیں۔ 3 برسوں میں لیاری میں ٹاؤن نے کیا کام کیا یا بلدیاتی وزیر نے کیا؟ ان کے مطابق، لیاری کی عوام کے ساتھ دھوکا کیا جا رہا ہے اور آج بھی یہ خطہ پتھر کے دور میں ہے۔ ’’حق دو لیاری کی عوام کو‘‘ کے نام سے مہم شروع کرنے جا رہے ہیں۔