مریم نواز کا نکاسیٔ آب کے پراجیکٹس جون سے قبل مکمل کرنے کا ہدف
وزیراعلیٰ مریم نواز کا نکاسیٔ آب پروجیکٹس کا ہدف
لاہور (ڈیلی پاکستان آن لائن) وزیراعلیٰ مریم نواز نے نکاسیٔ آب کے پراجیکٹس جون سے پہلے مکمل کرنے کا ہدف دے دیا۔
یہ بھی پڑھیں: چودھری شوگرملز کیس؛ نیب کا تفتیش بند کرنے کی حتمی منظوری کیلئے احتساب عدالت سے رجوع
اجلاس کی تفصیلات
نجی ٹی وی چینل ’’دنیا نیوز‘‘ کی رپورٹ کے مطابق، وزیراعلیٰ مریم نواز کی زیر صدارت ایک خصوصی اجلاس میں 15 شہروں میں واسا کمپلیکس ڈیزائن کی منظوری دی گئی اور جاری نکاسیٔ آب کے پراجیکٹس پر 24 گھنٹے کام کرنے کا حکم دیا گیا۔
یہ بھی پڑھیں: وزیراعلیٰ خیبرپختونخوا نے الیکشن کمیشن کی طلبی کیخلاف پشاور ہائیکورٹ سے رجوع کر لیا
منصوبوں کی تکمیل
مون سون سے قبل سیوریج لائن اور بارشی پانی کے نکاس کے پراجیکٹس کی یقینی تکمیل کی ہدایت کی گئی۔
اجلاس میں بتایا گیا کہ سرگودھا، ڈیرہ غازی خان، گجرات، اوکاڑہ، جھنگ، ملتان اور سیالکوٹ میں نکاسیٔ آب کے متعدد پراجیکٹس پر تیزی سے کام جاری ہے۔ دیگر شہروں میں جہلم، حافظ آباد، ساہیوال، فیصل آباد، گوجرانوالہ، شیخوپورہ، ننکانہ صاحب اور راولپنڈی بھی شامل ہیں جہاں نکاسیٔ آب کے پراجیکٹس جاری ہیں۔
یہ بھی پڑھیں: بابراعظم کے خلاف خاتون کو ہراساں کرنے کے الزامات پر مقدمہ درج کرنے کا سیشن کورٹ کا فیصلہ کالعدم قرار
نئے پراجیکٹس کی تفصیلات
15 شہروں کیلئے 2265 کلو میٹر طویل سیوریج لائن اور بارش کے پانی کے نکاس کیلئے 189 کلو میٹر طویل پائپ لائن بچھائی جائے گی۔ فیز ون میں 86 ڈسپوزل سٹیشن اور 9 انڈر گراؤنڈ سٹوریج ٹینک بنائے جائیں گے۔
یہ بھی پڑھیں: تنخواہ دار طبقے سے انکم ٹیکس وصولی میں 21 فیصد اضافہ
سڑکوں کی تعمیر اور مانیٹرنگ
اجلاس میں فیصلہ ہوا کہ واسا سیوریج اور بارشی پانی کے نکاس کے پراجیکٹ کی تکمیل پر 752 کلو میٹر طویل سڑکیں بھی تعمیر کرائے گا۔ واسا کمپلیکس میں افسران کے لئے ہوسٹل بھی بنائے جائیں گے۔ اس کے ساتھ ساتھ، واسا، ڈیش بورڈ اور موبائل ایپ پر جاری پراجیکٹس کی رئیل ٹائم مانیٹرنگ بھی کی جائے گی۔
نالوں کی صفائی کی مہم
بتایا گیا کہ واسا مون سون سے قبل بڑے پیمانے پر نالوں کی صفائی کے لئے ڈی سلٹنگ مہم بھی شروع کرے گا۔
