ہائی وے پر ٹرک الٹ گیا، پولیس تعینات کردی گئی، مگر کیوں؟ جانیے

بھارت میں ٹماٹروں سے بھرا ٹرک الٹ گیا

نئی دہلی (ڈیلی پاکستان آن لائن) بھارت میں ٹماٹروں سے بھرا ٹرک ہائی وے پر الٹ گیا جس کے نتیجے میں ٹماٹر سڑک پر پھیل گئے۔

یہ بھی پڑھیں: پاکستان کو 5 گنا بڑی فوج پر فتح مبین ملی: مفتی تقی عثمانی

واقعے کی تفصیلات

بھارتی میڈیا کے مطابق یہ واقعہ ریاست اترپردیش کے ہائی وے پر پیش آیا۔ ایک ٹرک 18 ٹن ٹماٹر لے کر اپنی منزل کی جانب جا رہا تھا، کہ حادثے کا شکار ہو گیا۔

یہ بھی پڑھیں: چاقو سے کٹنے کے بعد بھی کام کرنے والی بیٹری تیار، ایک چارج میں کتنے دن چل سکتی ہے؟ سائنسدانوں نے بڑی کامیابی حاصل کرلی

ڈرائیور کا بیان

ٹرک کے ڈرائیور ارجن نے بتایا کہ وہ ٹماٹروں کو بنگلورو سے نئی دہلی لے جا رہا تھا۔ ہائی وے پر اچانک ایک گائے سامنے آگئی، جسے بچانے کے لیے جیسے ہی موڑا تو ٹرک الٹ گیا۔ ارجن نے کہا کہ حادثے میں کوئی بڑا نقصان نہیں ہوا، تاہم اس کا ساتھی معمولی زخمی ہوا۔ مگر اس کے ٹرک کے پیچھے آنے والی خاتون دوسرے ٹرک سے ٹکرانے کے سبب زخمی ہوئی، جسے علاج کے لیے ہسپتال منتقل کیا گیا۔

یہ بھی پڑھیں: یہ تحفہ نہیں آپ کا کام ہے: گلوکار طلحہ انجم کی حکومتِ سندھ پر تنقید

پولیس کی کارروائی

میڈیا رپورٹس کے مطابق واقعے کی اطلاع ملتے ہی پولیس فوری طور پر جائے حادثہ پر پہنچی تاکہ ٹماٹروں کو چوری ہونے سے بچا جا سکے۔ پولیس نے ہائی وے کے قریب سخت ناکہ بندی کی اور چوری کو روکنے کے لیے رات بھر گشت کرتی رہی۔

مارکیٹ میں قیمتیں

بھارت میں اس وقت فی کلو ٹماٹروں کی قیمت 100 روپے ہے۔