فخر زمان کیلئے مسائل بڑھ گئے، ایک اور پریشان کن خبر

فخرزمان کی فٹنس مسائل

کراچی (ڈیلی پاکستان آن لائن) قومی کرکٹ ٹیم کے کھلاڑی فخرزمان کا دورۂ آسٹریلیا کے لیے انتخاب دشوار نظر آنے لگا، گھٹنے میں مسائل کے باعث وہ فٹنس ٹیسٹ میں ناکام ہوچکے ہیں۔

یہ بھی پڑھیں: آئینی عدالت کے 6 ججوں کی تقریب حلف برداری کیلئے انتظامات جاری

فخرزمان کی کارکردگی

نجی ٹی وی ایکسپریس نیوز کے مطابق فخرزمان کا شمار پاکستان کے بہترین جارح مزاج موجودہ بیٹرز میں ہوتا ہے، وہ ون ڈے میں ڈبل سنچری بھی بنا چکے ہیں، البتہ اپنی صاف گوئی کی وجہ سے ان دنوں مشکل میں ہیں۔

یہ بھی پڑھیں: پشاور زلمی اور اسلام آباد یونائیٹڈ کے درمیان میچ بارش کے سبب منسوخ کر دیا گیا

آسٹریلیا کے دورے کے امکانات

ذرائع کا کہنا ہے کہ دورۂ آسٹریلیا کے لیے اسکواڈ میں فخر کا انتخاب مشکل ہوگا، وہ فٹنس ٹیسٹ میں ناکام ہوچکے ہیں۔ ویسٹ انڈیز سے طویل سفر کرکے واپس آتے ہی انھیں 8 منٹ میں 2 کلومیٹر دوڑ کا ٹاسک دیا گیا جسے وہ پورا نہیں کرپائے۔

یہ بھی پڑھیں: عمران خان کی بیٹوں سے بات کروا دی گئی اور اخبارات بھی فراہم کر دیئے گئے

ٹھوس معلومات

قریبی ذرائع کے مطابق فخر کو گھٹنے میں مسئلہ ہے، وہ میچ کھیلنے کے لیے فٹ اور ڈومیسٹک کرکٹ میں حصہ بھی لے رہے ہیں، البتہ گھٹنے پر اضافی بوجھ ڈالنے سے سنگین انجری کا شکار ہوسکتے ہیں۔

یہ بھی پڑھیں: شمالی وزیرستان: میر علی میں گاڑی پر فائرنگ سے 6 افراد جاں بحق

سلیکشن میں مشکلات

گوکہ اب عاقب جاوید نے سلیکشن میں فٹنس کا کردار کم کردیا ہے، لیکن کنیکشن کیمپ میں این او سی کے حوالے سے فخرزمان نے جس صاف گوئی کا اظہار کیا تھا، اس سے بورڈ کے بعض بڑے (چیئرمین نہیں) خوش نہیں۔

یہ بھی پڑھیں: کراچی کا ڈمپر مافیا شہریوں کو کچل رہا ہے، سندھ حکومت ناکام ہوگئی: حافظ نعیم الرحمان

بابر اعظم کا معاملہ

بابر اعظم کے حق میں ٹویٹ انھوں نے اسکواڈ کا اعلان ہونے سے قبل کی تھی، لیکن کچھ دیر بعد ہی اسٹار بیٹر کو ڈراپ کرنے کا اعلان سامنے آگیا۔ اس سے یہ لگا جیسے فخر نے فیصلے پر تنقید کی ہے۔ انھیں شوکاز نوٹس جاری کرتے ہوئے پیر تک جواب دینے کا وقت دیا گیا ہے۔

قیادت کی تجویز

بعض سابق کرکٹرز نے فخرزمان کو وائٹ بال میں قیادت سونپنے کی بھی تجویز دی تھی، مگر اب ٹیم میں جگہ بھی یقینی نہیں ہے۔ جمعرات کی شب تک ہونے والی میٹنگ میں سلمان علی آغا وائٹ بال کپتانی سنبھالنے کے لیے فیورٹ تھے، البتہ اب دوبارہ محمد رضوان دوڑ میں سب سے آگے نظر آتے ہیں۔