پاک فوج قومی یکجہتی کی علامت، آئیں آگے بڑھیں اور ملک کے دفاع میں اپنا کردار ادا کریں: کیڈٹس کا پیغام

پاک فوج کی اہمیت

راولپنڈی (ڈیلی پاکستان آن لائن) پاک فوج قومی یکجہتی کی علامت ہے۔ یہ فوج ملک کے مختلف پس منظر سے تعلق رکھنے والے نوجوانوں پر مشتمل ایک منظم ادارہ ہے۔ پاکستان ملٹری اکیڈمی سے پاس آؤٹ ہونے والے نوجوان افسران میں شہداء، غازیان اور ملک کے دور دراز علاقوں سے تعلق رکھنے والے نوجوان شامل ہیں۔

یہ بھی پڑھیں: چیف جسٹس یحییٰ آفریدی کی زیرصدارت پہلا فل کورٹ اجلاس ختم

کیڈٹس کے جذبات کا اظہار

پاکستان ملٹری اکیڈمی میں مختلف کورسز کی پاسنگ آؤٹ کے موقع پر کیڈٹس نے اپنے جذبات کا اظہار کیا۔

یہ بھی پڑھیں: نشئیوں کے ساتھ رکھا گیا، کہا گیا آپ افغانی ہیں،جیل سے رہا ایم پی اے انورزیب کا انکشاف

شہید کے بیٹے کا عزم

پاک فوج میں کمیشن حاصل کرنے والے ایک شہید کے بیٹے، کمپنی سینئر انڈر افسر محمد عدنان نے کہا: "میرے والد شہید حوالدار محمد نوید نے 2016 میں لائن آف کنٹرول پر اپنی جان ملک کے دفاع کے لیے قربان کی۔ میری عمر اس وقت محض 13 سال تھی، مگر میں نے تہیہ کیا کہ میں بھی پاکستان فوج میں شمولیت اختیار کر کے اپنے ملک کے دفاع میں اپنا کردار ادا کروں گا۔ میں شہداء کے بچوں کو یہ پیغام دینا چاہتا ہوں کہ آپ بھی محنت کریں اور ملک کی بہتری اور اس کے دفاع میں اپنا کردار ادا کریں۔"

یہ بھی پڑھیں: بھارت نے چیمپئنز ٹرافی کے بعد ایک اور ٹیم کو پاکستان آنے سے روک دیا

قبائلی نوجوانوں کا پیغام

قبائلی علاقے سے تعلق رکھنے والے کیڈٹ حسنین موسیٰ خان نے اپنے پیغام میں کہا: "میرا قبائلی نوجوانوں کے لیے یہ پیغام ہے کہ آگے بڑھیں، محنت کریں، اور پاکستان آرمی میں شامل ہو کر اپنے وطن کی خدمت کریں۔ آپ کا کردار دفاع وطن میں نہایت اہم ہے۔"

یہ بھی پڑھیں: ایک غیر ملکی نے کہا کہ مجرم کی معافی کے لئے نہیں کہنا بلکہ ہم صرف یہ چاہتے ہیں کہ سزا پانیوالے مجرم پر خطاکار اور کمزور انسان سمجھ کر رحم اور کرم کیا جائے۔

بلوچستان کے نوجوانوں کے لیے تشجیع

کوئٹہ سے تعلق رکھنے والے بٹالین کوارٹر ماسٹر سارجنٹ محمد اسود نے کہا: "میرے والد ایک سرکاری ملازم تھے اور میں نے اپنی ابتدائی تعلیم کوئٹہ سے حاصل کی۔ ملٹری کالج سوئی سے 5 سالہ تعلیم حاصل کرنے کے بعد میں نے 150 پی ایم اے لانگ میں شمولیت اختیار کی۔ میرا بلوچستان کے دور دراز علاقوں کے نوجوانوں کے لیے یہ پیغام ہے کہ آئیں آگے بڑھیں اور ملک کے دفاع میں اپنا کردار ادا کریں۔"

گلگت بلتستان کے سبطین عباس کا پیغام

گلگت بلتستان سے تعلق رکھنے والے سبطین عباس نے اپنے پیغام میں کہا: "میرے والد صاحب پاک فوج سے صوبیدار ریٹائرڈ ہیں۔ میں نے اپنی میٹریکولیشن اور ایف ایس سی ملٹری کالج سوئی بلوچستان سے مکمل کی ہے۔ 2 سال کی انتھک محنت، لگن اور مشکل ترین ٹریننگ حاصل کرنے کے بعد میں نے اپنی تربیت کامیابی سے مکمل کر لی ہے اور مجھے بےحد خوشی اور فخر ہے۔ میرا پاکستان کی نوجوان نسل خاص طور پر دور دراز کے علاقوں کے نوجوانوں کے لیے یہی پیغام ہے کہ آپ محنت اور ہمت نہ چھوڑیں، اللہ آپ کے لیے خود راستے بنائے گا۔