وفاقی کابینہ کا اجلاس دو مرتبہ تاخیر کا شکار ہونے کے بعد ملتوی کر دیا گیا

وفاقی کابینہ کا اجلاس ملتوی

اسلام آباد(ڈیلی پاکستان آن لائن ) وفاقی کابینہ کا اجلاس مسلسل دو مرتبہ تاخیر کا شکار ہونے کے بعد ملتوی کردیا گیا ہے۔

یہ بھی پڑھیں: جو اللہ چاہے گا وہی ہوگا، جسٹس منصور علی شاہ کا وکیل کے دعائیہ کلمات پر جواب

اجلاس کی تاریخیں اور تاخیر

نجی ٹی وی جیونیوز کے مطابق گزشتہ رات بھی وفاقی کابینہ کا اجلاس رات کو طلب کیا گیا تھا تاہم اس میں بھی مسودے کی منظوری نہیں دی جاسکی تھی۔ کابینہ کا اجلاس ہفتے کی صبح 10 بجے طلب کیا گیا، لیکن اس میں وقت کی تبدیلی کرتے ہوئے اسے 12 بجے کردیا گیا۔ 12 بجے بھی اجلاس شروع نہ ہوا اور دوبارہ اجلاس کا وقت تبدیل کرکے اسے 2 بجے کردیا گیا، لیکن 2 بجے بھی اجلاس شروع نہ ہو سکا اور ملتوی کردیا گیا۔

یہ بھی پڑھیں: پی آئی ڈی (PID) اور پاکستان بزنس کونسل شارجہ کے درمیان معاہدہ

وزیر اعظم کی آمد اور آئینی ترمیم

ذرائع کا کہنا ہے کہ وزیر اعظم شہباز شریف کچھ دیر میں پارلیمنٹ ہاوس پہنچیں گے جہاں وہ ظہرانے میں شرکت کریں گے۔ ذرائع کا دعویٰ ہے کہ کابینہ اجلاس میں آئینی ترمیم کے مسودے کی منظوری کا امکان ہے۔

یہ بھی پڑھیں: بالفور اعلامیہ: سادہ کاغذ پر لکھے 67 الفاظ نے مشرق وسطی کی تاریخ کو کیسے بدل ڈالا؟

سینیٹ اور قومی اسمبلی کے اجلاس

دوسری جانب سینیٹ کا اجلاس صبح 11 بجے کے بجائے دوپہر ساڑھے 12 بجے ہو گا اور قومی اسمبلی کا اجلاس آج سہ پہر 3 بجے پھر ہوگا۔

یہ بھی پڑھیں: Boris Johnson Reveals Biden’s Compliment on His Wife’s Beauty

بلاول بھٹو اور مولانا فضل الرحمان کی ملاقات

واضح رہے کہ بلاول بھٹو اور مولانا فضل الرحمان کی ایک اور ملاقات میں آئینی ترامیم پر وسیع اتفاق رائے نہیں ہو سکا ہے۔ چیئرمین پاکستان پیپلز پارٹی بلاول بھٹو زرداری رات گئے مولانا فضل الرحمان سے ملاقات کیلئے ان کی رہائش گاہ پہنچ گئے۔ دونوں رہنماؤں کے درمیان ایک گھنٹے تک ملاقات جاری رہی، جس دوران نوید قمر اور مرتضیٰ وہاب بھی بلاول بھٹو کے ہمراہ موجود تھے۔

مزید ملاقاتیں

اس سے قبل مسلم لیگ ن کے رہنما ڈپٹی وزیراعظم اسحاق ڈار اور پیپلز پارٹی کے سینیئر رہنما نوید قمر نے بھی مولانا فضل الرحمان سے ملاقات کی تھی۔ اس کے علاوہ بیرسٹر گوہر، حامد خان اور بیرسٹر علی ظفر پر مشتمل پی ٹی آئی کا وفد بھی مولانا کے گھر پہنچا تھا۔