عمران خان لانگ مارچ توڑ پھوڑ کیس میں بری

ریلیف حاصل کرنے کی خبر

اسلام آباد (ڈیلی پاکستان آن لائن) ڈسٹرکٹ اینڈ سیشن کورٹ اسلام آباد سے پاکستان تحریکِ انصاف کے رہنماؤں کو لانگ مارچ توڑ پھوڑ کیس میں ریلیف مل گیا۔

یہ بھی پڑھیں: راشد نسیم 150 گنیز ورلڈ ریکارڈ قائم کرنے والے پہلے پاکستانی کھلاڑی بن گئے

عدالت کا فیصلہ

سول جج شہزاد خان نے درخواست بریت پر محفوظ فیصلہ سنا دیا۔ عدالت نے بانی پی ٹی آئی عمران خان، وزیراعلٰی کے پی علی امین، اور سابق گورنر سندھ عمران اسماعیل کو کیس سے بری کر دیا۔

ڈسٹرکٹ اینڈ سیشن کورٹ نے راجہ خرم شہزاد، علی نواز اعوان اور دیگر ملزمان کو بھی کیس سے بری کر دیا۔

مقدمہ کی پس منظر

واضح رہے کہ عمران خان اور دیگر کے خلاف تھانہ سیکریٹریٹ میں مقدمہ درج کیا گیا تھا۔