ہمیں آئینی ترمیم کے مسودے سے اتفاق نہیں، معاملے کو پیر تک روکا جائے، پی ٹی آئی رہنما کا بیان

شیخ وقاص اکرم کا بیان

اسلام آباد(ڈیلی پاکستان آن لائن) پاکستان تحریک انصاف (پی ٹی آئی) کے رکن قومی اسمبلی شیخ وقاص اکرم نے کہا ہے کہ ہمیں آئینی ترمیم کے مسودے سے اتفاق نہیں، ہم سمجھتے ہیں معاملے کو پیر تک روکا جائے۔

یہ بھی پڑھیں: بھارت میں نوجوان لڑکی اپنے ہی دیور کے ساتھ گھر سے بھاگ گئی لیکن کیوں؟ حیران کن وجہ سامنے آ گئی

صحت کی صورتحال

جیو نیوز کے پروگرام میں گفتگو کے دوران شیخ وقاص اکرم نے کہا کہ بانی پی ٹی آئی نے پہلی بار اپنی صحت سے متعلق بتایا، ان کی صحت بالکل ٹھیک ہے۔ انہوں نے کہا کہ بانی پی ٹی آئی ہائی سپرٹ میں ہیں، ملک کی سب سے بڑی سیاسی جماعت کا لیڈر کہہ رہا ہے کہ جیل میں بجلی بند ہے تو بند ہے۔

یہ بھی پڑھیں: آپریٹر نے ایمرجنسی کی نوعیت کو غلط سمجھا اور اسے میڈیکل ایمرجنسی سمجھ کر کارروائی کی، سانحہ سوات سے متعلق ڈائریکٹر جنرل ریسکیو 1122 شاہ فہد کا انکشاف

ڈاکٹروں کی رپورٹ

پی ٹی آئی رہنما نے مزید کہا کہ بانی پی ٹی آئی نے بتایا کہ ایک ڈاکٹر آیا تھا، انہوں نے ہمیں 4 ڈاکٹروں کی رپورٹ دی۔ ان کا کہنا تھا کہ ہم ملک کی سب سے بڑی پارٹی ہیں، آپ توقع کر رہے ہیں کہ 40 منٹ میں آئینی ترمیم پر معاملہ طے کر لیں!

یہ بھی پڑھیں: وفاقی بجٹ کو مسترد کرتے ہیں، صدر آل پاکستان انجمن تاجران

حکومت کے ساتھ بات چیت

شیخ وقاص اکرم نے یہ بھی کہا کہ ہم نے حکومت سے کوئی مسودہ نہیں لیا، مولانا فضل الرحمان صاحب کو بتایا ہے کہ پیر کو دوبارہ بانی پی ٹی آئی سے ملاقات کریں گے۔ انہوں نے کہا کہ ہم حکومت کے ساتھ انگیج نہیں کر رہے، فضل الرحمان کر رہے ہیں، ہمیں اس مسودے پر اتفاق نہیں۔

عدلیہ کے معاملات

پی ٹی آئی رہنما نے کہا کہ یہ وزیراعظم کو اپنی مرضی کا چیف جسٹس لانے کا اختیار دے رہے ہیں، عدلیہ ملک کا ستون ہے، ایک ستون کو دوسرے میں مداخلت کی اجازت نہیں دی جاسکتی۔ ان کا کہنا تھا کہ ہم مولانا فضل الرحمان کو قائل کرنے کی کوشش کر رہے ہیں، وہ بھی ہمیں قائل کرنے کی کوشش کر رہے ہیں، وہ ہمارے تابع نہیں، ان کی اپنی جماعت ہے، ہم سمجھتے ہیں معاملے کو پیر تک روکا جائے۔