نوجوان کھلاڑیوں کو موقع دینے کیلئے لاہور قلندرز کے ٹرائلز کا انعقاد

لاہور قلندرز کے ٹرائلز کا جائزہ

لاہور(سپورٹس رپورٹر) فاسٹ بولر شاہین شاہ آفریدی اور حارث رؤف نے بطور سلیکٹرز لاہور قلندرز کے ٹرائلز کا جائزہ لیا۔ یونیورسٹی آف لاہور میں ہونے والے ٹرائلز میں بڑی تعداد میں نوجوانوں نے اپنی قسمت آزمائی کی۔ قومی ٹیم کے فاسٹ باولر، شاہین آفریدی اور حارث رؤف نے کھلاڑیوں کے انتخاب میں اپنا حصہ ڈالا اور نوجوانوں کے لیے اسے بہترین موقع قرار دیا۔

یہ بھی پڑھیں: ایم کیو ایم کی رکن قومی اسمبلی رعنا انصار کا بیٹا ٹریفک حادثے میں جاں بحق

پی ایس ایل سیزن 10 کے لیے تیاری

پی ایس ایل سیزن 10 میں نوجوان کھلاڑیوں کو مواقع فراہم کرنے کے لیے لاہور قلندرز نے ٹرائلز کا انعقاد کیا۔ ان ٹرائلز میں، فاسٹ باولر شاہین آفریدی اور حارث روف نے اسپیڈ گن کے ذریعے باولرز کی سپیڈ، لائن، لنتھ اور فٹنس کا جائزہ لیا۔

یہ بھی پڑھیں: صحافی کالونی فیز ٹو کے الاٹمنٹ فارمز جاری، اپنے وعدے میں سرخرو ہوئے: صدر لاہور پریس کلب ارشد انصار ی کا تقریب سے خطاب

نوجوان کھلاڑیوں کے لیے مواقع

شاہین آفریدی اور حارث روف کا کہنا تھا کہ وہ خود بھی پی ڈی پی پروگرام کے ذریعے یہاں تک پہنچے ہیں، نوجوان لڑکوں کے لیے موقع ہے کہ وہ کھیل کے ساتھ ساتھ اپنی تعلیم بھی مکمل کر سکیں گے۔

لاہور قلندرز کا ہائی پرفارمنس سنٹر

سی ای او لاہور قلندرز عاطف رانا کا کہنا ہے کہ ہمارا ہائی پرفارمنس سنٹر سال بھر جاری رہے گا۔ عاقب جاوید نے جو خدمات لاہور قلندرز میں رہ کر دی ہیں، اب وہ نیشنل ڈیوٹی کے ذریعے ملک کی خدمت کرنے گئے ہیں۔ لاہور قلندرز کے پی ڈی پی پروگرام کے تحت منتخب ہونے والے نوجوان کرکٹرز یونیورسٹی آف لاہور میں مفت تعلیم بھی حاصل کریں گے۔