فخرزمان نے آسٹریلیا میں وائٹ بال سیریز کھیلنے سے معذرت کرلی

لاہور(ڈیلی پاکستان آن لائن) قومی کرکٹر ٹیم کے مایہ ناز بلے باز فخر زمان نے آسٹریلیا میں وائٹ بال سیریز کھیلنے سے معذرت کر لی۔

آرام کی درخواست

سما ٹی وی کے مطابق ذرائع کا کہنا ہے کہ فخر زمان نے ای میل میں پی سی بی سے 2 ماہ کا آرام مانگ لیا۔ ای میل کے متن میں کہا گیا ہے کہ اگر فٹنس کی وجہ سے ڈراپ کرنا ہے تو بہتر ہے آرام کر لیا جائے۔

پاکستان کرکٹ بورڈ کی تشویش

ذرائع کا مزید کہنا ہے کہ پاکستان کرکٹ بورڈ فخر زمان کے رویے سے ناخوش ہے۔ فخر زمان نے کنکشن کیمپ میں بھی ڈائریکٹر انٹرنیشنل کی شکایت لگائی تھی۔