تعلیمی اداروں میں طالبات کے ساتھ ناخوشگوار واقعات، ایف آئی اے کو الرٹ کردیا گیا

ایف آئی اے میں ہائی الرٹ

اسلام آباد (ڈیلی پاکستان آن لائن) تعلیمی اداروں میں طالبات کے ساتھ ناخوشگوار واقعات کے بعد ایف آئی اے میں ہائی الرٹ کر دیا گیا ہے اور مزید پانچ چھاپہ مار ٹیمیں تشکیل دے دی گئی ہیں۔

یہ بھی پڑھیں: سندھ بجٹ: ججز کیلئے ۱۹ کروڑ ۷۰ لاکھ روپے سے ریسٹ ہاؤس تعمیر کرنے کا فیصلہ

ٹیموں کی تیاری

سما نیوز کے مطابق، ایف آئی اے میں بنائی گئی ٹیموں کے ارکان کو چوبیس گھنٹے دستیاب رہنے کی ہدایت کر دی گئی ہے۔ انہیں یہ بھی بتایا گیا ہے کہ وہ اپنے موبائل نمبر بند نہیں کر سکیں گے۔ دئیے گئے ہدف کی تکمیل تک چھاپہ مار ٹیم کے ارکان کو چھٹی بھی نہیں ملے گی۔

یہ بھی پڑھیں: ایلون مسک کو زور دار جھٹکا لگ گیا ، اہم منصوبہ 9 ویں مرتبہ ناکام

واقعات کی نشاندہی

واضح رہے کہ سائبر کرائمز روپورٹنگ سنٹر نے نجی کالج میں طالبہ سے مبینہ زیادتی، پنجاب یونیورسٹی میں طالبہ کی خودکشی اور لاہور کاج فار وویمن یونیورسٹی میں طالبہ کے ساتھ ہراسگی کے واقعات میں ملوث ملزمان کی نشاندہی کی تھی، جن کی گرفتاری کے لئے یہ ٹیمیں تشکیل دی گئی ہیں۔

ٹیم کی تشکیل

ہر ٹیم میں چار افسران شامل ہوں گے جبکہ ٹیم لیڈرز میں وقار اعوان، نعمان رضا، نعیم ساجد، سنبل رانا اور مدثر نور شامل ہیں۔