راولپنڈی ٹیسٹ کے لئے انگلش ٹیم کا اعلان، تین سپنرز شامل

انگلینڈ کی فائنل الیون کا اعلان

راولپنڈی (ڈیلی پاکستان آن لائن) انگلینڈ نے پاکستان کے خلاف راولپنڈی میں کھیلے جانے والے سیریز کے تیسرے ٹیسٹ میچ کے لئے فائنل الیون کا اعلان کرتے ہوئے ٹیم میں دو تبدیلیاں کی ہیں اور تین سپنرز کے ساتھ میدان میں اترنے کا اعلان کیا ہے۔

یہ بھی پڑھیں: جب آپ خود کو غیراہم اور بے قدر سمجھتے ہیں، تو پھر آپ دوسروں کیلیے بھی محبت و چاہت کے اظہار کے قادر نہیں ہو سکتے

تبدیلیاں اور نئی کیمیا

انگلینڈ نے گزشتہ میچ میں شکست کھانے والی ٹیم میں دو تبدیلیاں کی ہیں جہاں فاسٹ باو¿لر بریڈن کارس اور میتھیو پوٹس کی جگہ گس ایٹکنسن اور سپنر ریحان احمد کو ٹیم کا حصہ بنایا ہے۔

یہ بھی پڑھیں: وفاقی وزیرداخلہ محسن نقوی کا دورہ ہنگری، بڈاپیسٹ میں سوئٹزرلینڈ، یورپی یونین اور انٹرنیشنل مائیگریشن آرگنائزیشن کے وزراء و سربراہان سے ملاقاتیں

ریحان احمد کا کردار

انگلینڈ کی فائنل الیون کی خاص بات یہ ہے کہ انگلینڈ نے تین سپنرز کے ساتھ میدان میں اترنے کا فیصلہ کیا ہے جہاں اس مرتبہ شعیب بشیر اور جک لیچ کا ساتھ دینے کے لئے ریحان احمد بھی موجود ہوں گے۔ ریحان نے دو سال قبل پاکستان کے خلاف کراچی ٹیسٹ میں ڈیبیو کیا تھا اور 48 رنز کے عوض 5 وکٹیں حاصل کر کے اپنی ٹیم کی میچ میں فتح اور سیریز میں کلین سویپ فتح میں اہم کردار ادا کیا تھا۔ اس کے بعد انہوں نے رواں سال بھارت کے خلاف تین ٹیسٹ کھیلے تھے لیکن فروری کے بعد سے وہ دوبارہ انگلش ٹیم میں جگہ نہ بنا سکے۔

یہ بھی پڑھیں: سینکڑوں آئل ٹینکر ایرانی بندرگاہ سے غائب

راولپنڈی کی پچ اور اس کی خصوصیات

انگلینڈ کی جانب سے تین سپنرز کھلانے کا مطلب یہ ہے کہ راولپنڈی کی وکٹ سپنرز کے لئے سازگار ہو گی اور انگلینڈ کے بلے باز ہیری بروک نے بھی آج پریس کانفرنس کے دوران اس بات کا عندیا دیا۔ انہوں نے راولپنڈی میں میڈیا سے گفتگو کرتے ہوئے کہا کہ وہ پھوڑے نکال لائے ہیں، پچ پر ہیٹرز اور پنکھے لگے ہیں، ہر کوئی جا کر وکٹ دیکھ رہا ہے اور الگ الگ باتیں کررہا ہے۔

یہ بھی پڑھیں: قومی سلیکشن کمیٹی میں علیم ڈار، اظہر علی اور عاقب جاوید کو شامل کرنیکا فیصلہ

میچ کی توقعات

انہوں نے کہا کہ یہ عام پاکستانی وکٹ جیسی لگ رہی ہے جو ابتدائی چند دن بیٹنگ کے لئے سازگار ہو گی اور پھر بعد میں اس پر گیند ٹرن ہو گی۔ انگلینڈ نے حقیقتاً تین سپنرز کا اعلان کر کے بڑا رسک لیا ہے کیونکہ حقیقتاً فاسٹ باو¿لنگ میں گس ایٹکنسن کی مدد کے لئے صرف کپتان بین سٹوکس موجود ہوں گے اور اگر وکٹ میں زیادہ ٹرن نہ ہوا تو انگلینڈ کو یہ فیصلہ بھاری پڑ سکتا ہے۔

یہ بھی پڑھیں: تحقیقی کمیٹی کی تشکیل: خیبرپختونخوا کی سرکاری املاک کا استعمال ڈی چوک احتجاج میں

ماضی کا مشاہدہ

واضح رہے کہ یہ وہی میدان ہے جس پر دو سال قبل پاکستان کے دورے پر آئی انگلینڈ کی ٹیم نے صرف 101 اوورز میں 657 رنز سکور بورڈ پر لگا دیے تھے اور میچ میں کامیابی حاصل کی تھی لیکن ہیری بروک کا ماننا ہے کہ یہ وکٹ دو سال پہلے کے مقابلے میں مختلف نظر آرہی ہے۔

انگلینڈ کی فائنل الیون

میچ کے لئے انگلینڈ کی ٹیم ان کھلاڑیوں پر مشتمل ہو گی: بین سٹوکس (کپتان)، زیک کرالی، بین ڈکٹ، اولی پوپ، جو روٹ، ہیری بروک، کیمی سمتھ، گس ایٹکنسن، ریحان احمد، جیک لیچ اور شعیب بشیر۔