وزیر اعظم شہباز شریف کا فلسطینیوں کے لیے شاندار اقدام

وزیر اعظم کا اعلان

اسلام آباد (ڈیلی پاکستان آن لائن) وزیر اعظم شہباز شریف نے فلسطینی طلبا کے لیے مفت تعلیمی سہولیات کا اعلان کیا ہے۔

یہ بھی پڑھیں: سموگ کے بعد دھند کے ڈیرے، موٹروے ایم 2 لاہور سے شیخوپورہ اور ایم 3 جڑانوالہ تک بند

فلسطینی طلبا کے ساتھ یکجہتی

اسلام آباد میں فلسطینی طلبا کی تقریب سے خطاب کرتے ہوئے وزیراعظم شہباز شریف نے کہا ہے کہ پاکستان کے عوام مشکل وقت میں فلسطینیوں اور لبنانیوں کے ساتھ ہیں۔ ہمارے گھر اور تعلیمی ادارے فلسطینیوں کیلئے حاضر ہیں۔ پاکستان آپکا دوسرا گھر ہے، ہمارے دل آپ کے ساتھ دھڑکتے ہیں۔

یہ بھی پڑھیں: کینیڈا میں کار کا حادثہ، 4 بھارتی شہری ہلاک

تعلیمی سہولیات کی فراہمی

وزیر اعظم نے اعلان کیا کہ فلسطینی طلبا کو سرکاری اخراجات پر تعلیم کی سہولیات فراہم کی جائیں گی، پاکستان میں 145 فلسطینی طلبا کی موجودگی شروعات ہے۔

فلسطین کی صورتحال پر تشویش

وزیر اعظم نے مزید کہا کہ فلسطین میں شہر اور گاؤں کے گاؤں تباہی کا منظر پیش کررہے ہیں۔ سلامتی کونسل کی قراردادیں اور عالمی عدالت انصاف اسرائیل کے آگے بے بس ہیں جبکہ عالمی برادری نے جنگ بندی کیلئے مؤثر کردار ادا نہیں کیا۔