26ویں آئینی ترمیم کے خلاف دائر درخواست سماعت کیلئے مقرر

لاہور ہائیکورٹ میں درخواست کی سماعت

لاہور (ڈیلی پاکستان آن لائن) ہائیکورٹ میں 26ویں آئینی ترمیم کے خلاف دائر درخواست کل سماعت کے لئے مقرر کر دی گئی۔

یہ بھی پڑھیں: سکردو سے راولپنڈی جانیوالی بس کھائی میں گرنے سے 4 مسافر ہلاک،وزیر اعلیٰ پنجاب کااظہارافسوس

کیس کی تفصیلات

آرٹیکل 185(2)(d) میں ترمیم کے خلاف دائر درخواست پر بطور ارجنٹ کیس سماعت ہو گی۔ جسٹس عابد عزیز شیخ شہری محمد افضال نجمی کی درخواست پر سماعت کریں گے۔ درخواست میں وفاقی حکومت، چیئرمین سینیٹ، سپیکر قومی اسمبلی سمیت دیگر کو فریق بنایا گیا ہے۔

درخواست گزار کا موقف

درخواست میں موقف اپنایا گیا ہے کہ سپریم کورٹ اور آئین میں دیئے گئے حقوق شہریوں کو فراہم نہیں کیے جا رہے، شہریوں کے بنیادی حقوق کی خلاف ورزی کی جا رہی ہے۔ درخواست گزار نے استدعا کی کہ عدالت شہریوں کو دیئے گئے بنیادی حقوق پر عملدرآمد کروانے کا حکم دے۔