برکس کا غزہ پر اسرائیلی بمباری، اموات اور تباہی پر اظہا ر تشویش، مشترکہ اعلامیہ جاری

برکس اجلاس کی مشترکہ اعلامیہ

ماسکو (ڈیلی پاکستان آن لائن) برکس اجلاس کے مشترکہ اعلامیے میں مشرق وسطیٰ کی صورتحال پر شدید تشویش ظاہر کرتے ہوئے غزہ اور مغربی کنارے پر اسرائیل کی بمباری سے بڑے پیمانے پر فلسطینی شہریوں کی اموات، جبری انخلا اور تباہی پر تشویش کا اظہار کردیا گیا۔

یہ بھی پڑھیں: جوہری ہتھیاروں پر یقین نہیں رکھتے، امریکہ جنگ میں شامل ہوا تو بھرپور جواب دیں گے: ایران

لبنان کی صورتحال کا ذکر

مشترکہ اعلامیے میں لبنان کی صورتحال پر بھی عالمی برداری کو خبردار کیا گیا اور شہریوں کی جانوں کے نقصان پر اظہار افسوس کیا گیا ہے۔

یہ بھی پڑھیں: بانی پی ٹی آئی اور اہلیہ کو قانون کے مطابق جیل میں تمام سہولیات دستیاب ہیں، ترجمان جیل خانہ جات

یوکرین کے معاملے پر موقف

برکس کے مشترکہ اعلامیے میں یوکرین کے معاملے پر اقوام متحدہ کے چارٹر پر عمل اور تنازعے کو مذاکرات سے حل کرنے پر زوردیا گیا ہے۔

یہ بھی پڑھیں: کرپشن کیس میں فواد چودھری کے وارنٹ گرفتاری جاری

روس کی تجاویز

برکس اجلاس میں روس نے برکس سرمایہ کاری پلیٹ فارم بنانے، اجناس کی ایکسچینج قائم کرنے اور قیمتی دھاتوں اور ہیروں کی خرید و فروخت کے لیے علیحدہ پلیٹ فارم بنانے کی تجاویز پیش کیں۔

یہ بھی پڑھیں: راولپنڈی 7 سے 25 دسمبر تک چیمپئنز ٹی ٹوئنٹی کپ کی میزبانی کرے گا

دوطرفہ بات چیت

برکس اجلاس کا دوسرے روز دوطرفہ بات چیت کا محور رہا جس دوران روس کے صدر پیوٹن نے چینی ہم منصب شی جن پنگ، بھارت کے وزیراعظم نریندر مودی، جنوبی افریقا اور مصر کے صدور سمیت دیگر رہنماو¿ں سے ملاقاتیں کیں۔

یہ بھی پڑھیں: 27ویں ترمیم کے بعد بھی آرٹیکل6 موجود ہے، وقت آنے پر سب کو حساب دینا ہوگا، لطیف کھوسہ

اقتصادی تعاون اور نئے اراکین

ان ملاقاتوں میں اقتصادی تعاون بڑھانے اور تنظیم میں نئے اراکین شامل کرنے پر بات ہوئی۔ اس موقع پر روسی صدر کا کہنا تھا کہ تنظیم کے اراکین اقدار اور عالمی نقطہ نظر پر یکساں موقف کے حامل ہیں۔

یہ بھی پڑھیں: یہ اپنا پیارا وطن ہے جہاں کچھ لوگوں کو ریل گاڑی میں کسی پنجرے میں قید زرافے کی طرح کھڑکی یا دروازے سے گردن باہر نکالے بنا چین نہیں پڑتا

نئے کثیرالقطبی ماڈل کی تشکیل

انہوں نے کہا کہ ایک نیا کثیرالقطبی ماڈل بن رہا ہے جو اقتصادی ترقی کی نئی لہر کی بنیاد بن رہا ہے اور یہ گلوبل ساؤتھ اور ایسٹ کے سبب ہے۔

چینی صدر کا کثیرالجہتی طرز اپنانے پر زور

برکس اجلاس کے موقع پر چینی صدر شی جن پنگ نے امور میں کثیرالجہتی طرز اپنانے پر زور دیا۔