لارنس بشنوئی کے کزن کا سلمان خان سے متعلق حیرت انگیز دعویٰ سامنے آیا
سلمان خان کا بشنوئی برادری کے ساتھ معاملہ
ممبئی (ڈیلی پاکستان آن لائن) جیل میں قید گینگسٹر لارنس بشنوئی کے کزن رمیش بشنوئی نے دعویٰ کیا ہے کہ 1998 میں کالے ہرن کو مارنے کے واقعہ کے بعد بالی ووڈ سپر سٹار سلمان خان نے بشنوئی برادری کو بلینک چیک دے کر معاملے کو ختم کرنے کی کوشش کی تھی۔ اس کا کہنا تھا کہ اس وقت ہمارا خون کھول رہا تھا۔
یہ بھی پڑھیں: ایشیا کپ: پاک بھارت میچ کے ٹکٹ کی قیمت کم کردی گئی، نئی قیمت کتنی ہے؟
سلمان خان کے دوستوں کے ساتھ حالیہ واقعات
یاد رہے کہ حال ہی میں سلمان خان کے قریبی دوست بابا صدیقی کا قتل اور اس سے قبل اپریل میں سلمان خان کے باندرا میں واقع رہائش گاہ کے باہر فائرنگ کا تعلق بھی اسی معاملے سے منسلک ہے اور وقت گزرنے کے ساتھ لارنس بشنوئی کے ساتھ دشمنی کا معاملہ گھمبیر ہوتا جارہا ہے۔ گینگسٹر نے حال ہی میں سلمان خان کو ایک بار پھر دھمکی دی ہے۔
یہ بھی پڑھیں: غلط اور جعلی معلومات پھیلانے والے ہوجائیں ہوشیار، نیشنل سائبر کرائم انویسٹی گیشن ایجنسی کو کارروائی کا اختیار دے دیاگیا۔
کالا ہرن اور بشنوئی برادری کی عقائد
واضح رہے کہ کالا ہرن بشنوئی کمیونٹی کے نزدیک مقدس مانا جاتا ہے۔ بھارتی میڈیا کے ساتھ گفتگو میں رمیش بشنوئی نے کہا جب کالے ہرن کو مارنے کا کیس سامنے آیا تو بشنوئی برادری نے اس کی مذمت کی۔
یہ بھی پڑھیں: یکم جنوری 2028 تک سود کے خاتمے کی شق متفقہ طور پر منظور
سلمان خان کی بلینک چیک کی پیشکش
جس پر سلمان خان نے بلینک چیک بک کے ساتھ برادری کے رہنماؤں سے ملاقات کی اور انھیں کہا کہ وہ اس معاملے کو ختم کرنے کے لیے اپنی مرضی کی رقم لکھ لیں، رمیش نے کہا کہ اگر ہم پیسوں کے پیچھے ہوتے تو ہم یہ پیشکش قبول کرلیتے۔
یہ بھی پڑھیں: رشتہ نہ دینے پر طلاق یافتہ خاتون کو مبینہ جنسی زیادتی کے بعد زہر دے کر قتل کر دیا گیا۔
تحریک اور نظریات کا معاملہ
اس نے سلمان کے والد سلیم خان کے اس الزام کی تردید کی کہ لارنس بشنوئی مالی فوائد کے لیے سلمان خان کو ٹارگٹ کر رہا ہے، اس کا کہنا تھا کہ یہ نظریات کا معاملہ ہے۔
لارنس بشنوئی کی دولت
رمیش کے مطابق لارنس کے پاس بھارت میں 110 ایکڑ زمین ہے اور اسے کسی چیز یا بھتے کی کوئی ضرورت نہیں۔
