بشریٰ بی بی کے کان میں انفیکشن ہو گیا

بشریٰ بی بی کا کان میں انفیکشن

پشاور (ڈیلی پاکستان آن لائن) بانی پی ٹی آئی عمران خان کی اہلیہ بشریٰ بی بی کے کان میں انفیکشن ہوگیا۔

یہ بھی پڑھیں: آئی پی ایل میں کھلاڑی کے چھکے نے مداح کا سر پھاڑ دیا

انفیکشن کی تصدیق اور ٹیسٹس

تفصیلات کے مطابق بشریٰ بی بی کی ترجمان مشال یوسفزئی نے ان کے کان میں انفیکشن کی تصدیق کرتے ہوئے کہا کہ آج بشریٰ بی بی کے مزید ٹیسٹ ہوں گے۔ انہوں نے کہا کہ رہائی کے بعد بشریٰ بی بی کی کسی سے کوئی سیاسی گفتگو نہیں ہوئی۔

یہ بھی پڑھیں: جاپان میں خوفناک زلزلہ، ریکٹر سکیل پر شدت 6.1 ریکارڈ

پی ٹی آئی رہنما کا بیان

دوسری جانب اس حوالے سے پی ٹی آئی رہنما عمر ایوب کا کہنا ہے کہ بشریٰ بی بی کو حبس بیجا میں رکھا گیا تھا لیکن اب وہ محفوظ مقام پر ہیں۔ انہوں نے توشہ خانہ کی گاڑیوں کے معاملے پر آصف زرداری اور نواز شریف پر کیس کا بھی ذکر کیا اور کہا کہ انہیں جیل میں ہونا چاہیے۔

اسلام آباد ہائیکورٹ کا فیصلہ

خیال رہے کہ اسلام آباد ہائیکورٹ نے گزشتہ روز توشہ خانہ کیس ٹو میں بشریٰ بی بی کی ضمانت منظور کی تھی جس کے بعد انہیں جمعرات کو اڈیالہ جیل سے رہائی ملی تھی۔ بشریٰ بی بی مجموعی طور پر 9 ماہ جیل میں رہی ہیں۔ جیل سے رہائی کے بعد بشریٰ بی بی نے وزیراعلیٰ ہاؤس کے پی کی اینکسی میں قیام کیا ہے۔