لاہور یوتھ فیسٹیول کے ٹرائلز کا دوسرا روز ، کامیاب کھلاڑیوں کیلیے انڈوومنٹ فنڈ سے سکالر شپ کا اعلان

لاہور یوتھ فیسٹیول کے ٹرائلز کا آغاز

لاہور (ڈیلی پاکستان آن لائن) لاہور یوتھ فیسٹیول کے ٹرائلز کا سلسلہ دوسرے روز بھی الحمراء کلچرل کمپلیکس فیروزپور روڈ اور پنجاب سٹیڈیم میں جاری رہا۔ دوسرے روز پنجاب سٹیڈیم میں لڑکوں کی 100 میٹر ریس کے ٹرائلز ہوئے جس میں 28 تعلیمی اداروں کے تقریباً 150 طلباء نے دوڑ کے مقابلے میں حصہ لیا۔

یہ بھی پڑھیں: پنجاب کے 8 شہروں پر فوری طور پر دفعہ 144 نافذ

ٹیلنٹ ہنٹ پروگرام

دوسری جانب ٹیلنٹ ہنٹ پروگرام کے ٹرائلز کلچرل کمپلیکس میں ہوئے جن میں طلباء مابین پینٹنگ، بیٹل آف بیںنڈ سمیت دیگر مقابلہ جات کا اہتمام کیا گیا۔ ٹیلنٹ ہنٹ کے مقابلہ جات میں حصہ لینے والے نوجوانوں کی تعداد بھی 100 سے زائد تھی۔ سجاد طافو، عائشہ مرزا، خواجہ نذر احمد، میاں محمد اطہر نے ججز کے فرائض سر انجام دئیے۔ اس موقع پر طلباء نے بھرپور جوش و خروش کا مظاہرہ کیا اور کہا کہ ایسے ایونٹس ان کی تخلیقی کو جلا بخشنے اور ان میں خود اعتمادی پیدا کرنے میں معاون ثابت ہوں گے۔

یہ بھی پڑھیں: امریکی صدارتی الیکشن میں ڈونلڈ ٹرمپ کا بڑی ریاست سے جیت کا دعویٰ

پنجاب سٹیڈیم میں اتھلیٹکس ٹرائلز

لاہور یوتھ فیسٹیول کے اتھلیٹکس بوائز 100میٹر ٹرائلز کا انعقاد پنجاب سٹیڈیم میں ہفتہ کے روز کیا گیا ہے۔ ٹرائلز کے مہمان خصوصی ڈائریکٹر جنرل سپورٹس پنجاب پرویز اقبال تھے، ٹرائلز میں لاہور کی 28 یونیورسٹیز سے بڑی تعداد میں کھلاڑیوں نے شرکت کی۔ ڈی جی سپورٹس پنجاب پرویز اقبال نے میڈیہ سے گفتگو کرتے ہوئے کہا ہے کہ پنجاب حکومت لاہور یوتھ فیسٹیول کے نام سے بڑا ایونٹ کروارہی ہے جس میں 8 کھیلوں کے مقابلے ہوں گے۔

یہ بھی پڑھیں: میرا بیٹا کسی سے معافی نہیں مانگے گا، سلیم خان

کھلاڑیوں کی کامیابی کے مواقع

ڈی جی سپورٹس پنجاب پرویز اقبال نے مزید کہا ہے کہ لاہور یوتھ فیسٹیول کے کامیاب کھلاڑیوں کو انڈوومنٹ فنڈ سے سکالر شپ دی جائے گی، کامیاب کھلاڑیوں کو مزید ٹریننگ دے کر نیشنل اور انٹرنیشنل مقابلوں کے لیے تیار کیا جائے گا۔ ٹرائلز میں تمام کھلاڑیوں کو اوپن ٹرائلز کے ذریعے منتخب کیا گیا ہے، لاہور یوتھ فیسٹیول میں کھلاڑیوں کو میرٹ پر منتخب کیا جارہا ہے، منتخب ہونے والے تمام کھلاڑیوں کو مبارکباد دیتا ہوں۔

100 میٹر اتھلیٹکس کے نتائج

لاہور یوتھ فیسٹیول بوائز 100 میٹر اتھلیٹکس ٹرائلز کے نتائج میں پنجاب یونیورسٹی کے علی عزیر نے پہلی پوزیشن حاصل کی ہے، یونیورسٹی آف سنٹرل پنجاب کے محمد عزیز دوسری، پنجاب یونیورسٹی کے محمد پرویز نے تیسری پوزیشن حاصل کی ہے جبکہ یونیورسٹی آف سنٹرل پنجاب کے ندیم علی، حسیب بٹ سپیرئیر یونیورسٹی کے حمزہ علی، گورنمنٹ کالج یونیورسٹی سے محمد وسیم اور عبدالمعیز نے بھی لاہور یوتھ فیسٹیول کے فائنل مقابلے کیلئے منتخب ہو گئے ہیں۔