کینیڈا کے امیگریشن ویزے کی محدودیت پر پاکستانیوں کی تشویش: ‘میں بہت پُرامید تھا، لیکن اب میں نہیں جانتا کہ کیا کروں’

"میں تربیت یافتہ ڈاکٹر ہوں اور کینیڈا کے مستقل ویزے کے لیے تقریباً ایک سال سے درخواست جمع کروا رکھی ہے۔ اب سنا ہے کہ کینیڈا نے مستقل رہائش اختیار کرنے والوں کے ویزوں میں کمی کا اعلان کیا، تو مجھے کچھ پریشانی ہے۔ مجھے تو بڑی امید تھی کہ میرا مستقل ویزہ لگ جائے گا۔"

یہ کہنا ہے خاتون ڈاکٹر نوشین جمال (فرضی نام) کا جنھوں نے اپنے مستقبل کے حوالے سے کئی منصوبے سوچ کر امیگریشن کے لیے گزشتہ سال اپلائی کیا تھا۔

تاہم کینیڈا میں جسٹن ٹروڈو حکومت نے امیگریشن کی پالیسیوں میں بڑی تبدیلی کا اعلان کرتے تارکین وطن کی تعداد میں کمی کا اعلان کیا ہے اور اس کی وجہ آبادی میں اضافہ کو روکنا بتایا گیا ہے۔

تبدیل شدہ پالیسی کے مطابق اب کینیڈا نے 2025 تک مستقل ویزے کا ہدف پانچ لاکھ سے کم کرکے تین لاکھ 95 ہزار کردیا ہے، جو کہ پہلے کے مقابلے میں 21 فیصد کم ہے۔

اس اعلان نے امیگریشن کے خواہشمند ان تمام افراد کے لیے پریشانی کی لہر دوڑا دی ہے جنھوں نے کینیڈا میں مستقل سکونت اختیار کرنے کی منصوبہ بندی کر رکھی تھی۔

ڈاکٹر نوشین جمال کہتی ہیں کہ انھوں نے کینیڈا کے مستقل ویزہ کے لیے کافی وقت لگا کر اپلائی کیا تھا اور مستقبل کی ساری منصوبہ بندی کینیڈا ہی میں رہائش اختیار کرنا تھی۔

"میرے بھائی پہلے ہی کینیڈا میں جا کر سیٹ ہوچکے تھے۔ اب اگر کینیڈا حکومت نے ایسا کوئی فیصلہ کیا ہے اور مجھے ویزہ نہ ملا تو اس کا میرے اور میرے خاندان کے لیے کافی منفی اثرات ہوں گے۔"

اسی طرح کی صورتحال محمد نذر تنولی کے ساتھ بھی ہے۔

محمد نذر نے انگلش زبان میں ماسٹرز کیا ہوا ہے اور ساتھ ہی الیکڑیشن کا کورس کیا ہے۔ مطلوبہ تجربہ حاصل کرنے کے بعد کینیڈا کی امیگریشن کے لیے درخواست جمع کروائی ہے۔

وہ کہتے ہیں کہ "میں تو بڑا پر امید تھا اور مختلف ویب سائیڈز پر بھی دیکھا تھا کہ کینیڈا میں الیکڑیشن کی ملازمتیں بآسانی مل جاتی ہیں، مگر اب یک دم ہی کہا جارہا ہے کہ ویزوں کی تعداد کم ہوچکی ہے یا ویزے نہیں دیے جارہے، تو سمجھ نہیں آتا کہ میں اب کیا کروں گا۔"

یاد رہے کہ کینیڈا کی امیگریشن پالیسی میں مستقل رہائشی ویزہ دیا جاتا ہے، جس کے لیے عموماً پاکستان جیسے ترقی یافتہ ممالک کے مختلف شعبوں میں تعلیم یافتہ اور ہنر مند افراد بڑی تعداد میں درخواستیں جمع کرواتے ہیں۔

اس وقت بھی پاکستان اور دنیا کے کئی ممالک کے شہریوں کی کینیڈا کے سفارت خانوں میں بڑی تعداد میں درخواستیں موجود ہیں۔

ٹروڈو حکومت کے برسر اقتدار آنے کے بعد کینیڈا نے 2015 میں ویزوں کا ہدف دو لاکھ 72 ہزار سے بڑھا کر چار لاکھ 85 ہزار کر دیا تھا جبکہ 2021 میں کورونا وبا کے بعد اس میں بڑا اضافہ کیا گیا تھا۔

حکومت کو گھروں، صحت، سماجی خدمات کی سہولتوں میں اضافے کے بعد اتنا اضافہ کرنے پر تنقید کا نشانہ بنایا جا رہا ہے۔ اس ماہ کے آغاز میں اینو ائرونکس رائے عامہ کے ایک سروے میں کہا گیا ہے کہ 58 فیصد کینیڈین شہری محسوس کرتے ہیں کہ 1977 کے مقابلے میں اب امیگریشن کی تعداد بہت ہی زیادہ ہے۔

ادارے کا کہنا ہے کہ سروے سے پتہ چلتا ہے کہ عوامی رائے میں امیگریشن پالیسی کو اب مؤثر نہیں بلکہ مسائل سمجھا جا رہا ہے۔

یہ بھی پڑھیں: فیلڈنگ کے دوران بابر اعظم کے عمل نے سب کے دل جیت لئے

کیا حقیقت میں تارکین وطن پر فرق پڑے گا

اس وقت کینیڈا میں بے روزگاری کی شرح بڑھ کر 6.5 فیصد تک پہنچ چکی ہے اور نوجوانوں میں یہ شرح 14 فیصد تک ہے۔

تاہم دوسری جانب تارکین وطن کے حقوق کے لیے کام کرنے والے ادارے تارکین وطن کی تعداد کو کم کرنے کی پالیسی کو تنقید کا نشانہ بنا رہے ہیں۔

امیگرینٹ رائیٹس نیٹ ورک کے مطابق یہ سمجھنا مناسب نہیں ہے۔

ان کے مطابق کینیڈا میں گھروں کی کمی یا سماجی صحت عامہ کی سہولتوں میں کمی کے ذمہ دار تارکین وطن نہیں ہیں۔

امیگرینٹ رائٹس نیٹ ورک کے مطابق یہ مسائل وفاقی اور صوبائی حکومتوں کی دہائیوں سے پالیسیوں کا نتیجہ ہیں۔

دوسری جانب پاکستان میں موجود کئی ویزہ کنسلٹنٹ کی رائے ہے کہ ڈاکٹر نوشین جمال اور محمد نذر تنولی جیسے ہنر مند اور اعلیٰ تعلیم یافتہ لوگ اگر کینیڈا جا رہے ہیں تو ان کو اس نئی پالیسی سے کوئی فرق نہیں پڑے گا بلکہ ہنر مندوں اور تعلیم یافتہ لوگوں کے لیے زیادہ بہتر راستے پیدا ہوں گے۔

عبدل ریحان سن کنسلٹنٹ کمپنی میں کئی سالوں سے کینیڈا ویزہ کنسلٹنٹ کی حیثیت سے کام کر رہے ہیں۔ وہ کہتے ہیں کہ اس وقت کینیڈا کی معیشت سالانہ 18 فیصد کی بنیاد پر بڑھ رہی ہے جس کا سیدھا سادہ مطلب ہے کہ کینیڈا میں ہر سال 18 فیصد ملازمتوں کے مواقع بڑھیں گے۔

ان کا کہنا تھا کہ پہلے کینیڈا میں بے روزگاری کی شرح پانچ فیصد سے بھی کم تھی اگر اب یہ تقریباً چھ فیصد بھی ہو چکی ہے تو یہ زیادہ بڑا فرق نہیں ہے بلکہ اس وقت کینیڈا کی جی ڈی پی گروتھ تیزی سے اوپر جارہی ہے۔

یعنی وہ مستقل ویزہ حاصل کر لیتے تھے۔ طالب علم اپنی تعلیم مکمل کرنے کے بعد وہیں سے مستقل ویزہ حاصل کر لیتے تھے۔ مگر اب یہ ممکن نہیں رہے گا۔

ان کا کہنا ہے کہ اس کی بنیادی وجہ وہاں موجود مختلف انفراسٹرکچر پر بڑھتا ہوا بوجھ ہے۔

’اب کینیڈا کہتا ہے کہ میں تارکین وطن کا استقبال کرتا ہوں مگر مستقل ویزے کے لیے صرف ان ہی شعبوں کے لوگوں کو بلایا جائے گا جہاں کینیڈا میں ملازمتیں موجود ہوں گی۔‘

’ہمارے مشاہدے میں یہ آیا ہے کہ اس وقت پاکستانیوں کے لیے کینیڈا کے سیاحتی ویزے مسترد ہو رہے ہیں جبکہ مستقل ویزے دیے جا رہے ہیں۔‘

منیب احسان کا کہنا ہے کہ اس وقت کینیڈا میں مستقل ویزہ صرف بعض مخصوص شعبوں میں مطلوبہ معیار اور قابلیت پوری کرنے والوں کو دیا جا رہا ہے، جیسے کہ میڈیکل کے شعبے سے متعلق افراد، انجینئرز، ہنر مند افراد جیسے پلمبر، الیکٹریشن، تعمیراتی ماہر راج مستری وغیرہ۔ ان ہنر مند افراد کو ویزے حاصل ہونے کا امکان بہت زیادہ ہے۔

اس بات کو یاد رکھنا ضروری ہے کہ کینیڈا اب صرف ان ہی لوگوں کو ویزہ دے رہا ہے جو جا کر اس کی معیشت کو بہتر بنائیں گے، نہ کہ بوجھ ڈالیں گے۔