دو ایئر پورٹس پر منشیات سمگلنگ کی کوشش ناکام، 2کلو سے زائد آئس برآمد، 2ملزمان گرفتار

منشیات کی سمگلنگ ناکام

اسلام آباد(ڈیلی پاکستان آن لائن) اے ایس ایف نے اسلام آباد اور پشاور ایئر پورٹ پر بھاری مقدار میں منشیات کی سمگلنگ ناکام بناتے ہوئے دو ملزمان کو گرفتار کر کے مجموعی طور پر 2 کلو 376 گرام آئس منشیات برآمد کر لی۔

یہ بھی پڑھیں: پشاور ہائیکورٹ کا آئینی ترامیم کیخلاف درخواستوں پر لارجر بینچ تشکیل دینے کا عندیہ

اسلام آباد ایئرپورٹ کا واقعہ

اے ایس ایف کے عملے نے اسلام آباد ایئرپورٹ پر دوحہ جانے والی پرواز کے مسافر سے 1.166 کلو گرام آئس برآمد کی۔ مسافر شیر خان نے آئس ٹرالی بیگ کی تہوں میں چھپائی ہوئی تھی جسے گرفتار کر لیا گیا۔

یہ بھی پڑھیں: قتل عام کے مجرموں سے اولمپک چیمپئن تک: روس کس طرح خطرناک مجرموں کو رہا کر کے فوجیوں کی کمی کو پورا کر رہا ہے؟

پشاور ایئرپورٹ پر کارروائی

اسی طرح، پشاور ایئرپورٹ پر جدہ جانے والی پرواز کے مسافر سے 1.210 کلو گرام آئس برآمد کی گئی۔ مسافر اقبال حسین نے آئس منشیات اندر سوں (مٹھائی) میں چھپا رکھی تھی۔

ملزمان کی گرفتاری

اے ایس ایف کا کہنا ہے کہ ملزمان کو ابتدائی تفتیش کے بعد مزید قانونی کارروائی کے لئے برآمد شدہ منشیات کے ساتھ اے این ایف کے حوالے کر دیا گیا۔