دو ایئر پورٹس پر منشیات سمگلنگ کی کوشش ناکام، 2کلو سے زائد آئس برآمد، 2ملزمان گرفتار

منشیات کی سمگلنگ ناکام

اسلام آباد(ڈیلی پاکستان آن لائن) اے ایس ایف نے اسلام آباد اور پشاور ایئر پورٹ پر بھاری مقدار میں منشیات کی سمگلنگ ناکام بناتے ہوئے دو ملزمان کو گرفتار کر کے مجموعی طور پر 2 کلو 376 گرام آئس منشیات برآمد کر لی۔

یہ بھی پڑھیں: ترکی میں کاروبار میں نقصان ہو گیا تو باہمت خاتون نے پاکستان واپس آ کر اپنا ریسٹورنٹ کھول لیا۔

اسلام آباد ایئرپورٹ کا واقعہ

اے ایس ایف کے عملے نے اسلام آباد ایئرپورٹ پر دوحہ جانے والی پرواز کے مسافر سے 1.166 کلو گرام آئس برآمد کی۔ مسافر شیر خان نے آئس ٹرالی بیگ کی تہوں میں چھپائی ہوئی تھی جسے گرفتار کر لیا گیا۔

یہ بھی پڑھیں: عمران خان کے بچے پاکستان نہیں آ سکتے تو انہیں کہیں کہ لندن میں نواز شریف کے گھر کے باہر احتجاج کرنے کے لیے آجائیں: سید مزمل شاہ

پشاور ایئرپورٹ پر کارروائی

اسی طرح، پشاور ایئرپورٹ پر جدہ جانے والی پرواز کے مسافر سے 1.210 کلو گرام آئس برآمد کی گئی۔ مسافر اقبال حسین نے آئس منشیات اندر سوں (مٹھائی) میں چھپا رکھی تھی۔

ملزمان کی گرفتاری

اے ایس ایف کا کہنا ہے کہ ملزمان کو ابتدائی تفتیش کے بعد مزید قانونی کارروائی کے لئے برآمد شدہ منشیات کے ساتھ اے این ایف کے حوالے کر دیا گیا۔