سری لنکا کو شکست، افغانستان نے پہلی مرتبہ ایمرجنگ ٹی ٹوئنٹی ایشیا کپ جیت لیا

ایمرجنگ ایشیا کپ کا فیصلہ کن میچ

دبئی (ڈیلی پاکستان آن لائن) افغانستان اے نے سری لنکا کو شکست دے کر ایمرجنگ ایشیا کپ جیت لیا۔

یہ بھی پڑھیں: چیمپئنز ٹرافی، بھارت کا انکار، پاکستان نے آئی سی سی کو بڑی مشکل میں ڈال دیا

فائنل میچ کی تفصیلات

فائنل میچ کا ٹاس سری لنکا اے نے جیتا اور پہلے بیٹنگ کرنے کا فیصلہ کیا۔ سری لنکا اے نے مقررہ اوورز میں 7 وکٹوں کے نقصان پر 133 رنز بنائے۔ ایک موقع پر سری لنکا اے کی آدھی ٹیم صرف 65 رنز پر آئوٹ ہو گئی تھی۔ اس موقع پر ساہان نے ناقابل شکست 64 رنز بنائے اور ٹیم کا سکور 133 رنز تک پہنچا دیا۔

افغانستان اے کا جواب

جواب میں افغانستان اے کا آغاز بھی اچھا نہ تھا، پہلی ہی گیند پر زبید اکبری کلین بولڈ ہوگئے۔ تاہم، صدیق اللہ اتل کی شاندار ناقابل شکست 55 رنز کی بدولت افغانستان اے نے مطلوبہ ہدف 11 گیندوں قبل 3 وکٹوں کے نقصان پر حاصل کرلیا۔