آئینی ترمیم کے بعد وزیراعظموں کو گھر بھیجنے کا راستہ رک جائے گا، بلاول بھٹو

بلاول بھٹو زرداری کا بیان

لاہور (نمائندہ خصوصی) چیئرمین پاکستان پیپلزپارٹی بلاول بھٹو زرداری نے کہا ہے کہ 26 ویں آئینی ترمیم کے بعد وزیراعظموں کو گھر بھیجنے کا راستہ رک جائے گا۔

یہ بھی پڑھیں: ایک اور خوشخبری ۔۔۔حمزہ خان نے آسٹریلیا میں گولڈن اوپن سکواش چیمپئن شپ جیت لی

پولو ٹورنامنٹ کا مقابلہ

لاہور میں پولو ٹورنامنٹ کا ایک میچ دیکھنے کے بعد میڈیا سے گفتگو کے دوران بلاول بھٹو زرداری نے سیاسی معاملات پر گفتگو سے گریز کیا۔ تاہم صحافیوں کے سوال پر انہوں نے کہا کہ میں چیف جسٹس کی تقریب حلف برداری پر اسلام آباد اس لیے نہیں تھا کہ میں اپنا ویک اینڈ گزارنے آیا ہوں، یہ میرا حق ہے کہ میں اپنا ویک اینڈ جہاں مرضی گزاروں۔

انہوں نے مزید کہا کہ چیف جسٹس کی تقریب میں سب تھے لیکن ویک اینڈ تھا تو میرا بھی حق ہے ویک اینڈ پر ریسٹ کروں۔

یہ بھی پڑھیں: عمرکوٹ ڈسٹرکٹ ہسپتال میں سائیکل کے پمپ سے مریض کو آکسیجن دینے کی ویڈیو وائرل

سندھ میں اقدامات

بلاول بھٹو زرداری نے کہا کہ 26 ویں ترمیم کے بعد وزیراعظموں کو گھر بھیجنے کا راستہ رک جائے گا، سندھ میں بہت کچھ کرنے جا رہے ہیں۔

یہ بھی پڑھیں: نتیجہ تب ہی نکلے گا جب گفتگو جاری رہے گی، عمران خان کو سائیڈ پر رکھ کر کوئی گفتگو نہیں ہو سکتی، سلمان اکرم راجا

وزیراعظم سے ملاقات

وزیراعظم شہباز شریف سے ملاقات پر پوچھے سوال کے جواب میں انہوں نے کہا کہ میں وزیر اعظم کو بتا کر آیا ہوں کہ میں پولو میچ میں جا رہا ہوں۔

یہ بھی پڑھیں: جنرل (ر) فیض حمید نے کالعدم ٹی ٹی پی کے سربراہ نور ولی محسود کو بلٹ پروف گاڑی تحفے میں دی، خواجہ آصف

مولانا فضل الرحمان کے ساتھ بات چیت

ان سے سوال کیا گیا تھا کہ مولانا فضل الرحمان کا آئینی ترمیم پر کیسے منایا تو ان کا کہنا تھا کہ مجھ سے پوچھو آج پولو میچ میں گھوڑے کیسے اور کتنے خوبصورت تھے۔

یہ بھی پڑھیں: امریکا اور یو اے ای کا مصنوعی ذہانت کی ٹیکنالوجی کیلئے اہم معاہدہ

پولو میچ کی کامیابی

ان کا کہنا تھا کہ مجھے آج کا میچ دیکھ کر خوشی ہوئی، مردوں کے ساتھ عورتیں بھی پولو کھیل رہی ہیں۔ لاہور میں انتظامیہ کا شکر گزار ہوں کہ اتنا شاندار ایونٹ کروایا گیا ہے۔ لاہور میں منعقد ہونے والے ٹورنامنٹ میں چھاتی کے کینسر کی آگاہی بھی دی جا رہی ہے۔ میں پولو میچ کے لیے آیا ہوں اور پولو میچ پر ہی بات کروں گا، آپ کو اگر مجھ سے سوال کرنا ہے تو یہ کریں یہاں گھوڑے کتنے پیارے ہیں۔

پولو میرا پسندیدہ کھیل ہے۔ ہمیں خوشی ہوئی کہ مردوں کے ساتھ خواتین بھی پولو میچ کھیل رہی ہیں۔ پیپلز پارٹی ہمیشہ ایسے پروگرامز کو فروغ دیتی ہے، پولو میچ بہت اچھا تھا۔

نوجوانوں کی حوصلہ افزائی

انہوں نے کہا کہ نوجوانوں کو کھیلوں کے میدان میں آگے بڑھنا چاہیے، پولو کلب میں عالمی سطح کا ٹورنامنٹ ہوا ہے۔ ٹورنامنٹ میں پاکستان سمیت دنیا بھر کے ممالک بریسٹ کینسر کی آگاہی کے حوالے سے مثبت ثابت ہوگا، یہ مہینہ بریسٹ کینسر کے حوالے سے آگاہی کا مہینہ ہے۔