کبھی کپتانی کی خواہش نہیں کی اور نہ کپتانی مانگی، محمد رضوان کی میڈیا سے گفتگو

محمد رضوان کی کپتانی کے بارے میں خیالات

لاہور(ڈیلی پاکستان آن لائن) قومی کرکٹ ٹیم کے کپتان محمد رضوان نے کہا ہے کہ انہوں نے کبھی کپتانی کی خواہش نہیں کی اور نہ ہی کپتانی مانگی۔ انہوں نے کہا کہ اگر اللّٰہ نے کپتانی دی ہے تو انکار نہیں کرنا چاہیے۔ جب وہ کپتان نہیں تھے تو اس وقت بھی ان کی رائے کی اہمیت ہوتی تھی، اور سرفراز احمد کی کپتانی میں بھی وہ اپنی رائے دیتے تھے۔

یہ بھی پڑھیں: وزیر اعلیٰ پنجاب سے ا طالوی سفیرماریلنا ارمیلن کی ملاقات، لائیو سٹاک اور ڈیر ی پراجیکٹ میں سرمایہ کاری پر اتفاق

آسٹریلیا روانگی سے قبل میڈیا سے گفتگو

آسٹریلیا روانگی سے قبل میڈیا سے گفتگو کرتے ہوئے وائٹ بال ٹیم کے کپتان نے کہا کہ اس وقت ہر کھلاڑی ٹیم میں ایک کپتان کی طرح ہے، اور وہ چاہتے ہیں کہ جب وہ جائیں تو ٹیم میں کئی کپتان تیار ہوں۔ محمد رضوان نے یہ بھی کہا کہ صورتحال کو دیکھتے ہوئے ٹی20 میں اوپننگ کا فیصلہ کریں گے۔ وہ ابھی کھلاڑیوں کی کارکردگی کو مانیٹر کر رہے ہیں تاکہ چیمپئنز ٹرافی کے لیے بہترین کامبینیشن بنایا جا سکے۔

بھارت میں پاکستانی ٹیم کو محبت

محمد رضوان نے مزید کہا کہ جب ہم بھارت گئے تو وہاں ہمیں بہت پیار ملا، جسے سب نے دیکھا۔ انہوں نے کہا کہ عوام بھارتی ٹیم کو بھی پاکستان میں ڈبل ویلکم کریں گے۔ یہ بورڈ کی ذمہ داری ہے کہ وہ یہ طے کرے کہ بھارتی ٹیم چیمپئنز ٹرافی کے لیے پاکستان آتی ہے یا نہیں۔