نوکیا کا مقبول ترین بٹنوں والا فون 4 جی ٹیکنالوجی کے ساتھ لانچ کردیا گیا

نیا نوکیا 110 فور جی فون

ایسپو (ڈیلی پاکستان آن لائن) ماضی کی مقبول موبائل فون کمپنی نوکیا نے جدید دور میں بٹن فون کو فور جی ٹیکنالوجی میں پیش کردیا۔

یہ بھی پڑھیں: بینکر فیصل نبی قتل کیس: سندھ ہائیکورٹ نے ملزمان کی عمر قید کی سزا کو کالعدم قرار دیا

مٹیریل اور خصوصیات

ملٹی نیشنل کمپنی ’ایم ایم ڈی‘ نے نوکیا کے ماضی کے مقبول فون 110 کو دوبارہ نئے فیچرز کے ساتھ پیش کیا ہے۔ کمپنی نے نوکیا 110 کو فور جی سپورٹ کے ساتھ پیش کیا ہے اور کمپنی کا دعویٰ ہے کہ فون میں طاقتور بیٹری دی گئی ہے، جس سے صارفین 8 گھنٹے تک مسلسل بات کر سکتے ہیں۔

یہ بھی پڑھیں: ویرات کوہلی کی ریٹائرمنٹ کی وجہ سامنے آگئی

اضافی فیچرز

کمپنی کے مطابق، فون میں بلیوٹوتھ کا فیچر بھی پیش کیا گیا ہے، جب کہ فون میں ریئر کیمرا بھی دیا گیا ہے، جس کی ٹیکنالوجی اپگریڈ کردی گئی ہے۔ نوکیا 110 فور جی میں طاقتور بیٹری دیے جانے کے ساتھ ساتھ اس میں فاسٹ چارجر بھی دیا گیا ہے جبکہ اس کی اسکرین ٹیکنالوجی کو بھی اپگریڈ کردیا گیا۔

یہ بھی پڑھیں: ملک بھر میں گھی اور کوکنگ آئل کی قیمتوں میں 80روپے فی کلو تک اضافہ

جدید ٹیکنالوجی

کمپنی نے فون کو جدید ٹیکنالوجی کے دور کے حوالے سے اپگریڈ کیا ہے جب کہ اسے واٹر اینڈ ڈسٹ ریزسٹ بھی بنایا گیا ہے۔

فروخت اور قیمت

کمپنی نے فون کو متعدد ممالک میں فروخت کے لیے پیش کردیا، تاہم اسے تمام ممالک میں پیش نہیں کیا گیا۔ کمپنی نے فوری طور پر فون کی قیمت کا اعلان نہیں کیا، تاہم ممکنہ طور پر نئے فون کی پاکستانی قیمت 8 ہزار روپے تک ہوگی۔