فخر زمان سے متعلق قومی ٹیم کے کپتان محمد رضوان کا بیان سامنے آگیا

محمد رضوان کا فخر زمان کے بارے میں بیان

لاہور (ڈیلی پاکستان آن لائن) قومی کرکٹ ٹیم کے وائٹ بال کپتان محمد رضوان نے کہا ہے کہ فخر زمان کھیل پر اثر انداز ہونے والے کھلاڑی ہیں، لیکن فیصلے ہمارے ہاتھ میں نہیں ہوتے، فخر اکیلا ہی میچ کو لے کر چلتا ہے اور وہ رخ موڑ دیتا ہے۔

یہ بھی پڑھیں: پاکستان سے سیریز میں ہم مکمل طور پر آؤٹ کلاس ہوئے ہیں، کپتان جوش انگلس

آسٹریلیا روانگی سے قبل میڈ یا سے گفتگو

آسٹریلیا روانگی سے قبل میڈیا سے گفتگو کرتے ہوئے محمد رضوان نے کہا کہ عاقب جاوید کے فیصلے ٹیم کےلیے سود مند ثابت ہوئے، یہ بات پہلے بھی کہی جارہی تھی، اسپین پچز بناکر ہوم سیریز میں کامیابی حاصل کرسکتے ہیں۔

یہ بھی پڑھیں: اسرائیل کے حملے میں ایران کے کتنے فوجی جاں بحق ہوئے؟

آسٹریلیائی کنڈیشنز اور ٹیم کی محنت

انہوں نے کہا کہ آسٹریلیا کی پچز عاقب جاوید کے ہاتھ میں نہیں ہیں، وہاں کی کنڈیشن مختلف ہیں اور ٹف بھی ہیں، ہم نے پوری محنت کی ہے، امید ہے کہ اچھے نتائج آئیں گے۔

تبدیلی کا عمل

ان کا کہنا تھا کہ کوچ جو بھی آئے فیصلہ بورڈ اور مینجمنٹ کو کرنا ہے، اگر اُن کی رائے مانگی گئی تو وہ ضرور دیں گے، میرے کپتان بنتے ہی ایک دم تبدیلی نہیں آئے گی۔ محمد رضوان نے یہ بھی کہا کہ چیزیں پہلے بھی درست ہورہی تھیں، ایسا نہیں ہوگا کہ وہ سب کچھ فوری تبدیل کردیں۔