سندھ کی قوم پرست جماعتوں نے بگل بجا دیا

سندھ کی قوم پرست جماعتوں کا احتجاج

سکھر (ڈیلی پاکستان آن لائن) سندھ کی قوم پرست جماعتوں نے بگل بجا دیا۔

یہ بھی پڑھیں: ٹانک میں بجلی کے تار بچوں پر موت بن کر گرگئے، 4 جاں بحق

حقوق کے حصول کی تحریک

تفصیلات کے مطابق سندھ کے حقوق کے حصول اور دریائے سندھ سے نہریں نکالنے کے منصوبے کیخلاف قوم پرست جماعتوں کی جانب سے احتجاجی تحریک کا آغاز کردیا گیا۔ سندھ ترقی پسند پارٹی کے چیئرمین ڈاکٹر قادر مگسی کی قیادت میں ببرلو بائی پاس پر احتجاجی دھرنا دیا گیا، جس میں کارکنوں کی بڑی تعداد نے شرکت کی اور مطالبات کے حق میں نعرے بلند کیے۔ دھرنے کے باعث قومی شاہراہ کے دونوں اطراف گاڑیوں کی لمبی قطاریں لگ گئیں۔ سندھ، پنجاب، بلوچستان آنے و جانے والی سیکڑوں چھوٹی و بڑی گاڑیوں میں سوار مسافروں بالخصوص خواتین و بچوں کو اذیت ناک صورتحال کا سامنا کرنا پڑا۔

مقامی قیادت کا بیان

"جنگ" کے مطابق دھرنے کے شرکاء سے خطاب میں ڈاکٹر قادر مگسی اور جام فتاح سمیجو ودیگر نے کہا کہ سندھ کا پانی دیگر صوبوں کا دینے کا منصوبہ قبول نہیں، سندھ کی لاکھوں ایکڑ زرعی زمین پہلے ہی بنجر ہورہی ہیں، اس منصوبے سے سندھ خشک سالی کا شکار ہوجائے گا۔ انہوں نے کہا کہ اپنے حصے کا پانی کسی کو نہیں لینے دیں گے۔ ببرلو بائی پاس پر دھرنے کے بعد 24 نومبر کو کراچی میں احتجاجی دھرنا دیں گے اور اس دھرنے میں سندھ کی تمام سیاسی جماعتوں اور سندھ میں بسنے والے تمام افراد کو شریک ہونے کی دعوت دیں گے۔