پی ٹی آئی نے جلد ملک گیر تحریک شروع کرنے کا اعلان کردیا

پاکستان تحریک انصاف کی ملک گیر تحریک کا اعلان

لاہور (ڈیلی پاکستان آن لائن) پاکستان تحریک انصاف (پی ٹی آئی) نے جلد ایک ملک گیر تحریک شروع کرنے کا اعلان کر دیا۔ لاہور میں میڈیا سے گفتگو کرتے ہوئے پی ٹی آئی کے سیکریٹری جنرل سلمان اکرم راجا نے کہا کہ 26 ویں ترمیم کے ذریعے آئین اور عدلیہ کی آزادی پر حملہ کیا گیا ہے۔

یہ بھی پڑھیں: ہم تو بہت پرسکون اور چِل ہیں: عظمیٰ بخاری کا اسلام آباد میں پی ٹی آئی کے احتجاج پر رد عمل، کہیں چار لوگوں کا قافلہ بھی نظر نہیں آیا

27ویں آئینی ترمیم کے مقاصد

انہوں نے مزید کہا کہ اب 27 ویں آئینی ترمیم کے ذریعے یہ فوجی عدالتیں قائم کرنا چاہتے ہیں، تاکہ ہمیں کسی تاریک کمرے میں سزائیں دی جائیں اور اپیل کا حق بھی نہ دیا جائے۔

اڈیالہ جیل کے باہر گفتگو

دوسری جانب اڈیالہ جیل راولپنڈی کے باہر عمر ایوب نے میڈیا سے بات چیت کرتے ہوئے کہا کہ عدالتی حکم کے باوجود بانی پی ٹی آئی سے ملاقات کی اجازت نہیں دی جا رہی۔ یہ دنیا سے چھپانا چاہتے ہیں کہ بانی پی ٹی آئی کو سہولتیں فراہم نہیں کی جا رہیں، جو کہ توہین عدالت ہے۔