سردار ایاز صادق کا بلاول بھٹو سے رابطہ، آصف زرداری کی خیریت دریافت کی

ٹیلیفونک رابطہ

اسلام آباد(ڈیلی پاکستان آن لائن) سپیکر قومی اسمبلی سردار ایاز صادق نے چیئرمین پیپلز پارٹی بلاول بھٹو زرداری سے ٹیلیفونک رابطہ کیا ہے۔

یہ بھی پڑھیں: عدالتی احکامات کے مطابق کاروباری مراکز بند کیے جائیں گے، سموگ سٹیئرنگ کمیٹی کے اجلاس میں اہم فیصلے

بلاول بھٹو کی صحت کی معلومات

نجی ٹی وی چینل دنیا نیوز کے مطابق ٹیلیفونک رابطے کے دوران سپیکر نے بلاول بھٹو سے آصف علی زرداری کی صحت کے بارے میں دریافت کیا۔ سردار ایاز صادق نے صدر مملکت آصف علی زرداری کی جلد مکمل صحت یابی کے لیے دعا بھی کی۔ بلاول بھٹو نے صدر مملکت اور اپنے والد کے لیے نیک خواہشات پر سپیکر قومی اسمبلی کا شکریہ ادا کیا۔

صدر زرداری کی طبی حالت

واضح رہے کہ صدر پاکستان آصف علی زرداری کا گزشتہ رات دبئی ایئر پورٹ پہنچنے پر جہاز سے اترتے ہوئے پاؤں فریکچر ہوگیا تھا۔ انہیں فوری طور پر ابتدائی طبی امداد کے لیے ہسپتال منتقل کیا گیا، جہاں ڈاکٹروں نے ان کے پاؤں پر پلاستر لگا کر انہیں گھر منتقل کر دیا۔ ترجمان ایوانِ صدر کے مطابق ڈاکٹروں نے صدر مملکت آصف زرداری کو مکمل آرام کا مشورہ دیا ہے。