لاہور قلندرز نے گلوبل سپر لیگ کے لیے ڈیرن گوف کو ہیڈ کوچ مقرر کردیا

لاہور قلندرز کی نئی ہیڈ کوچ کی تقرری

لاہور (سپورٹس رپورٹر) گیانا میں شیڈول گلوبل سپر لیگ (جی ایس ایل) کے لیے لاہور قلندرز نے ڈیرن گوف کو ہیڈ کوچ مقرر کردیا۔ گلوبل سپر لیگ کا آغاز گیانا میں 26 نومبر سے ہوگا اور ڈیرن گوف 23 نومبر کو سکواڈ کو جوائن کریں گے۔

یہ بھی پڑھیں: آپ اپنی نسلوں کیلئے کیا کرکے جارہے ہیں؛ جسٹس نعیم اختر کے ماحولیاتی آلودگی سے متعلق کیس میں ریمارکس، صوبوں سے متعلق اقدامات رپورٹ طلب

ڈیرن گوف کی تقرری پر لاہور قلندرز کا بیان

ڈیرن گوف کی تقرری پر لاہور قلندرز کی انتظامیہ نے کہا ہے کہ انگلینڈ کے سابق فاسٹ بولر اور سابق ایم ڈی یارکشائر کاؤنٹی ڈیرن گوف کا ہیڈ کوچ کے طور پر تقرر کرکے خوش ہیں۔ ڈیرن گوف گلوبل سپر لیگ میں اپنی ذمہ داریوں کا آغاز کریں گے۔

یہ بھی پڑھیں: ہم حکومت مخالف سیاسی تحریک شروع کر رہے ہیں، اسد قیصر

ڈیرن گوف کا لاہور قلندرز کے ساتھ جڑنے پر خوشی کا اظہار

دوسری جانب ڈیرن گوف نے لاہور قلندرز کے ہیڈ کوچ بننے پر کہا کہ قلندرز کے ساتھ جڑنا اور کام کرنا اعزاز کی بات ہے۔ میں لاہور میں پلیئرز ڈیولپمنٹ پروگرام کے دوران معاونت کرچکا ہوں اور مستقبل میں بھی لاہور قلندرز کے ساتھ کام کرنے کا منتظر ہوں۔

ثمین رانا کا بیان

علاوہ ازیں لاہور قلندرز کے ثمین رانا کا کہنا تھا کہ قلندرز پرجوش انداز میں ڈیرن گوف کو خوش آمدید کہتی ہے۔ ان کے تجربے سے ہماری بنیاد کو مزید مضبوط بنانے میں مدد ملے گی۔