وزیراعلیٰ مریم نواز سے یو ایس ایڈ مشن ڈائریکٹر ویرایا کیٹ سوم ونگسری کی ملاقات، تعلقات مزید بہتر بنانے کے مواقع پر گفتگو

مریم نواز اور یو ایس ایڈ مشن ڈائریکٹر کی ملاقات

لاہور (ڈیلی پاکستان آن لائن) وزیراعلیٰ پنجاب مریم نواز سے یو ایس ایڈ مشن ڈائریکٹر ویرایا کیٹ سوم ونگسری نے ملاقات کی۔ ملاقات میں امریکی قونصل جنرل کرسٹن ہاکنز اور یو ایس ایڈ پنجاب چپٹر کی نمائندہ عریشہ بانو بھی موجود تھیں۔

یہ بھی پڑھیں: پاکستان خطے اور عالمی امن کے لیے اپنا مثبت کردار ہمیشہ ادا کرتا رہے گا:آرمی چیف جنرل سید عاصم منیر

تبادلہ خیال کے امور

ملاقات میں باہمی دلچسپی کے امور، پاک امریکہ تعلقات کے فروغ اور مختلف شعبوں میں تعاون بڑھانے پر تبادلہ خیال کیا گیا۔ تجارت، کلائمیٹ چینج، قابل تجدید انرجی، وویمن اکنامک ایمپاورمنٹ، ہیلتھ کیئر اور ایجوکیشن میں تعاون بڑھانے پر اتفاق کیا گیا۔

یہ بھی پڑھیں: سیکیورٹی ذرائع: خیبر پختونخوا سے فوجی دستے اسلام آباد روانہ

کلائمیٹ چینج اور خواتین کے تحفظ

وزیراعلیٰ مریم نواز نے کہا کہ کلائمیٹ چینج اور ماحولیاتی آلودگی سے نمٹنے کے لیے گرین انرجی اور جدید ٹیکنالوجی پر یو ایس ایڈ کے تجربے سے مستفید ہونا چاہتے ہیں۔ خواتین کے تحفظ کے لیے پینک بٹن، ورچوئل پولیس سٹیشن قائم کئے گئے ہیں۔ سکلڈ ہیومن ریسورس کے لیے جدید طرز پر انٹرنشپس کرائی جا رہی ہیں۔

یہ بھی پڑھیں: شمالی وزیرستان میں پولیس چیک پوسٹ پر حملہ، 4 اہلکاروں سمیت 6 افراد شہید

پاک امریکہ تعلقات کی اہمیت

وزیراعلیٰ مریم نواز نے کہا کہ پاکستان اور امریکہ کی پارٹنر شپ خطے کی ترقی اور امن و امان کے لیے اہمیت کی حامل ہے۔ ہم پاک امریکہ تعلقات کو مزید تقویت بخشنے کے لیے کوشاں ہیں۔ پاکستان ماضی کے مقابلے میں زیادہ محفوظ اور پرامن ہے۔ مسلم لیگ (ن) کی حکومت نے گڈ گورننس اور شفافیت کے نئے معیار قائم کیے ہیں۔ پاکستان نے دہشت گردی اور انتہا پسندی کے خلاف جنگ میں شاندار کامیابیاں حاصل کی ہیں۔

مستقبل کی سرمایہ کاری کے مواقع

ملاقات میں مستقبل کے تقاضوں کو مد نظر رکھتے ہوئے سرمایہ کاری کے مواقع بڑھانے پر غور کیا گیا اور دونوں ممالک کے عوام کے درمیان تعلقات مزید بہتر بنانے کے مواقع پر گفتگو بھی کی گئی۔