شیخ دین محمد ویلفیئر ٹرسٹ نے سکائی الیکٹرک کے خلاف مقدمہ دائر کر دیا

شیخ دین محمد ویلفیئر ٹرسٹ کی کارروائی

لاہور (ویب ڈیسک) شیخ دین محمد ویلفیئر ٹرسٹ نے لاہور میں کنزیومر کورٹ میں سکائی الیکٹرک کے خلاف مبینہ طورپر ناقص سولر سسٹم فراہم کرنے پر مقدمہ دائر کر دیا۔

یہ بھی پڑھیں: منی لانڈرنگ کیس؛ مونس الٰہی کی بیرون ملک سے گرفتاری کیلئے ریڈنوٹس انٹرنیشنل پولیس کو بھجوا دیا گیا

درخواست گزار کی شکایت

درخواست گزار نے اپنی شکایت میں الزام عائد کیا ہے کہ سسٹم/پروڈکٹ کو ان کی توانائی کی ضروریات کے لیے ایک قابل اعتماد حل کے طور پر مشتہر کیا گیا تھا اور اسے یقین دہانی کے ساتھ فراہم کیا گیا تھا کہ یہ کم از کم وارنٹی مدت کے دوران معیاری خصوصیات کا حامل ہوگا۔ درخواست گزار نے سکائی الیکٹرک کی طرف سے دی گئی وارنٹی اور نمائندگی پر اعتماد کرتے ہوئے اس سسٹم کو خرید لیا۔ سسٹم کی تنصیب اور دیکھ بھال مکمل طور پر سکائی الیکٹرک کی نگرانی میں کی گئی تھی۔

یہ بھی پڑھیں: نیب کا لاہور ہائیکورٹ سے جرمانے کے حکم کیخلاف عدالت عظمیٰ سے رجوع

سسٹم کی خراب کارکردگی

تاہم، یہ سسٹم ناقص ثابت ہوا کیونکہ اس نے ان خصوصیات کے مطابق کام نہیں کیا جن کے بارے میں یقین دہانی کرائی گئی تھی اور جن کی بنیاد پر درخواست گزار نے اسے حاصل کیا اور استعمال کیا۔

ہرجانے کا دعویٰ

درخواست گزار نے غلط بیانی کرنے پر سکائی الیکٹرک سے تقریباً 40 لاکھ روپے ہرجانہ کا دعویٰ کیا ہے۔ صارف نے سکائی الیکٹرک پرائیویٹ لمیٹڈ، اسلام آباد کو نوٹس بھی جاری کیے ہیں۔