شاہ رخ خان کن ملکوں میں اور کونسی عالیشان جائیدادوں کے مالک ہیں؟
شاہ رخ خان کی شاندار جائیدادیں
ممبئی (ڈیلی پاکستان) کرشماتی شخصیت کے مالک شاہ رخ خان بالی وڈ کا ایک ایسا نام ہے جو کسی تعارف کا محتاج نہیں لیکن جب بات ہو ان کی عالیشان جائیدادوں کی تو باندرہ میں واقع ان کا عالیشان گھر ’منت‘ ہی ذہن میں آتا ہے۔
دنیا بھر میں موجود جائیدادیں
لیکن کیا آپ جانتے ہیں کہ سپر اسٹار شاہ رخ خان بھارت سمیت دنیا بھر میں بھی عالیشان جائیدادوں کے مالک ہیں؟ در حقیقت اداکار 200 کروڑ بھارتی روپے مالیت کے منّت کے علاوہ دہلی سے دبئی اور دبئی سے لندن تک مزید 5 جائیدادوں کے مالک بھی ہیں۔
علی باغ فارم ہاؤس
ممبئی کی ہلچل اور گہما گہمی سے دور 20 ہزار مربع میٹر پر پھیلا کراچی کے علی باغ میں شاہ رخ کا فارم ہاؤس، ان کی اہلیہ گوری خان کے انٹیریئر ڈیزائننگ کے شاہکاروں میں سے ایک ہے۔ بھارتی میڈیا رپورٹس کے مطابق اس فارم ہاؤس کی مالیت 15 کروڑ روپے ہے، جس میں ایک خوبصورت پول، متعدد پیٹیو کی جگہیں، ایک ہیلی پیڈ اور کئی رومز شامل ہیں۔
دبئی میں 'جنت'
دبئی میں شاہ رخ خان کی رہائشگاہ پام جمیرہ کے K frond پر واقع ہے، جسے دنیا کا سب سے بڑا مصنوعی جزیرہ کہا جاتا ہے۔ شاہ رخ خان کے اس وِلا کو SRK کی 'جنت' کہا جاتا ہے، جس کی قیمت 18 کروڑ روپے ہے۔ اس خوبصورت وِلا میں 6 بیڈروم، 2 ریموٹ کنٹرول گیراج اور ایک سوئمنگ پول شامل ہیں۔
دہلی کی جائیدادیں
شاہ رخ اور گوری خان کا دہلی سے ایک خاص تعلق ہے، جہاں گوری اور شاہ رخ دونوں نے بچپن سے جوانی کا سفر طے کیا۔ دہلی کے سب سے مہنگے حصوں میں شامل جنوبی دہلی میں واقع ایک مینشن، جس میں 2 منزلیں اور متعدد بالکونیاں شامل ہیں، شاہ رخ کی ملکیت ہے۔
لندن پراپرٹی پورٹ فولیو
بھارتی میڈیا کے مطابق، شاہ رخ خان کا پراپرٹی پورٹ فولیو بھارت اور دبئی کے ساتھ ساتھ برطانیہ کا بھی احاطہ کئے ہوئے ہے۔ وہ سینٹرل لندن کے پارک لین میں واقع 'پرائم رئیل اسٹیٹ' میں ایک خوبصورت اپارٹمنٹ کے مالک ہیں۔ ان کا ایک شاندار گھر انگلینڈ میں بھی ہے، جہاں وہ اکثر اپنی فیملی کے ساتھ چھٹیاں گزارنے جاتے ہیں۔
لاس اینجلس وِلا
بھارتی میڈیا رپورٹس کے مطابق، لاس اینجلس میں بھی شاہ رخ خان کی ملکیت میں ایک وسیع و عریض وِلا ہے۔ یہ رہائشگاہ بیورلی ہلز لگژری چیٹو کے نام سے مشہور ہے، جس میں 6 کشادہ بیڈ رومز، ایک وسیع و عریض تالاب، نجی کیبن اور یہاں تک کہ ایک ٹینس کورٹ بھی شامل ہے۔
