سینیٹ کے میڈیا ڈائریکٹر اور اہلخانہ سے لوٹ مار کا مقدمہ 24 گھنٹے بعد درج

اسلام آباد (ڈیلی پاکستان آن لائن) وفاقی دارالحکومت اسلام آباد میں سینیٹ کے میڈیا ڈائریکٹر اسد مروت اور ان کے اہلِ خانہ کو ڈاکوؤں نے لوٹ لیا۔ پولیس نے چوبیس گھنٹے بعد واقعے کا مقدمہ درج کرلیا۔

شکایت کا اندراج

گزشتہ رات اسد مروت نے اسلام آباد کے تھانہ شہزاد ٹاؤن میں اندراج مقدمہ کے لیے درخواست دی۔

واقعے کی تفصیلات

میڈیا ڈائریکٹر سینیٹ کی درخواست میں کہا گیا کہ وہ بھائی اور اہلِ خانہ کے ہمراہ راول ٹاؤن پہنچے تو موٹر سائیکل پر موجود ملزمان نے انہیں روکا۔

اسد مروت کے مطابق ڈاکو ان کے بھائی ظفر اللہ سے 5 لاکھ روپے، اور اُن سے ایک لاکھ روپے نقد، موبائل فون اور دستاویزات چھین کر فرار ہوگئے۔

مقدمے کا اندراج

واقعے کا مقدمہ اسلام آباد کے تھانہ شہزاد ٹاؤن میں درج کرلیا گیا ہے۔