ستاروں کی روشنی میں آپ کا آئندہ ہفتہ کیسا گزرے گا؟

برج حمل - سیارہ مریخ (21 مارچ سے 20 اپریل)

پریشان نہ ہوں انشاءاللہ بڑی امید ہے کہ اللہ پاک آپ کی مشکلات کا کوئی اسباب ضرور بنا دیں گے اور آپ کے لئے آگے زندگی گزارنا آسان ہو جائے گا۔ لیکن ایک مرتبہ اپنے تمام حالات کا از سرِ نو جائزہ لے لیں کہ کس مقام پر غلطیاں ہوئی ہیں تاکہ ان کی ٹھیک طریقے سے اصلاح کی جا سکے۔ جو لوگ ایسا کرلیں گے وہ اپنے لئے بڑی آسانیاں حاصل کرلیں گے۔

یہ بھی پڑھیں: آٹے کی قیمتوں میں ملی بھگت سے اضافہ، پاکستان فلور ملز ایسوسی ایشن کو ساڑھے 3 کروڑ جرمانہ

برج ثور - سیارہ زہرہ (21 اپریل سے 20 مئی)

جن امور میں دشواریاں آ رہی ہیں، پہلے آپ ان کو اچھی طرح سے غور کرکے چیک کریں کہ اس میں آپ کی تو کوئی غلطی نہیں ہے۔ اگر ایسا ہوا تو پہلے اس کو ٹھیک کریں، توبہ کریں اور حقوق العباد کا اچھی طرح سے خیال رکھیں۔ پھر اللہ سے بھی امید لگائیں کہ وہ آپ کے معاملات ٹھیک فرما دیں گے۔ ان دنوں اپنے روزگار پر خاص توجہ بھی دیں۔

یہ بھی پڑھیں: کیا اسرائیل کی دفاعی امداد روکنے کی دھمکی امریکہ کے ٹوٹتے وعدوں پر غصے کا اظہار ہے؟

برج جوزہ - سیارہ عطارد (21 مئی سے 20 جون)

اپنے دل کے ہاتھوں مجبور ہوکر کسی جانب کوئی غلط قدم نہیں اٹھانا اور کسی مقصد کے پیچھے نہیں بھاگنا۔ انشاءاللہ جو نصیب میں ہوگا وہ آپ کو مل کر رہے گا اور آپ کے لئے سیدھا راستہ ہی کامیابی کا ہے۔ آپ نماز کی طرف توجہ دیں اور جن اپنوں اور غیروں کی طرف سے پریشانیاں مل رہی ہیں، ان سے فاصلہ طے کرنا ہی آپ کے لئے بہتر ہے۔

یہ بھی پڑھیں: کوئی صوبائی حکومت کارکردگی میں پنجاب سے مقابلہ یا موازنہ نہیں کرسکتی: عظمیٰ بخاری

برج سرطان - سیارہ چاند (21 جون سے 20 جولائی)

دعا کریں یہ سب سے بڑا وظیفہ ہے، اس سے بڑھ کر اور کچھ نہیں ہے مگر پورے توکل کے ساتھ۔ جو لوگ ادھر اُدھر بھٹک رہے ہیں اور دوسروں کے سامنے دستِ سوال کرتے ہیں وہ گناہ ہے۔ دینے والی تو اللہ کی ذات مبارک ہے، آپ اس سے اپنی پریشانیوں کے لئے اور ضرورتوں کے لئے کیوں نہیں التجا کرتے؟ اگر کریں گے تو وہ ضرور آپ کو ہر چیز عطا فرمائے گا جو آپ کے حق میں بہتر ہوگی۔

یہ بھی پڑھیں: آئینی بینچ کل سے 22 نومبر تک کن اہم مقدمات کی سماعت کرے گا؟ تفصیلات جانیے۔

برج اسد - سیارہ شمس (21 جولائی سے 21 اگست)

ایک سو بار درود شریف صبح اور شام پڑھنا اپنا معمول بنالیں اور سورۃ قلم کی آخری دو آیات بھی اپنی روٹین میں رکھیں۔ انشاءاللہ ہر طرح کی بدنظری سے محفوظ رہیں گے اور جو راستے رکاوٹیں دے رہے ہیں، جہاں سے بھی مشکلات مل رہی ہیں، اس کا خاتمہ ہو جائے گا۔ آپ کو اس جگہ سے سب کچھ ملے گا جہاں سے آپ کا گمان بھی نہیں تھا، بس توبہ بھی ضروری ہے۔

یہ بھی پڑھیں: قومی اسمبلی کا اجلاس شام 5بجے طلب، 10نکاتی ایجنڈاجاری

برج سنبلہ - سیارہ عطارد (22 اگست سے 22 ستمبر)

جن امور میں رکاوٹیں محسوس کررہے ہیں، اس کے لئے روزانہ 450 مرتبہ حسبنا اللہ و نعیم الوکیل کا ورد کرلیا کریں۔ ان شاءاللہ وہ دور ہونا شروع ہو جائیں گے اور دعا کریں کہ اے اللہ جو میرے حق میں بہتر ہے مجھے اس راستے پر ڈال دے یا میرے حق میں اس تمام کو آسان فرما دے۔ یہ توکل آپ کو کس طرح کامیابیاں دلاتی ہیں، اس کا آپ کو اندازہ بھی نہیں۔

یہ بھی پڑھیں: جو کوئی کسی سیاسی جماعت کا آلۂ کار بنے اسے سرکاری نوکری سے ہی فارغ کردینا چاہیے مگر سوال یہ ہے ”بلی کے گلے میں گھنٹی کون باندھے گا“

برج میزان - سیارہ زہرہ (23 ستمبر سے 22 اکتوبر)

اگر صحت کے حوالے سے معاملات خرابی ظاہر کررہے ہیں تو پھر یا کریم، یا سلام، یا حی، یا قیوم کا ورد 1000 مرتبہ روزانہ ضرور کریں۔ اپنی نظر اتاریں، راشن کی صورت میں حسب ِتوفیق صدقہ بھی دیں تو انشاءاللہ سب کچھ ٹھیک ہوتا چلا جائے گا۔ جو لوگ روزگار کو بدلنا چاہتے ہیں وہ پہلے استخارے سے کام لیں، اس میں جو جواب آئے اس حساب سے قدم اٹھائیں۔

یہ بھی پڑھیں: روس کی نئی جوہری ہتھیاروں کی پالیسی میں کیا خاص باتیں شامل ہیں؟

برج عقرب - سیارہ مریخ (23 اکتوبر سے 22 نومبر)

ہر وقت کسی نہ کسی پریشانی میں رہنا ڈپریشن کا مریض بنا دیتا ہے اور ہونا تو وہی ہے جو میرے اللہ نے چاہنا ہے۔ پھر ہماری اور آپ کی کیا مرضی؟ تو پھر کیوں نہ اس کی رضا پر راضی رہے تاکہ وہ ہم سے خوش رہے۔ پھر زندگی میں کیسا دکھ اور پریشانی، اصل میں ہم اپنے راستے سے بھٹک گئے ہیں، جو مشکلات کا شکار ہو رہے ہیں، توبہ کرکے واپس آ جائیں۔

یہ بھی پڑھیں: وفاقی بیوروکریسی میں تقرر و تبادلے

برج قوس - سیارہ مشتری (23 نومبر سے 20 دسمبر)

لالچ کریں گے کسی بھی قسم کا تو الٹا گلے پڑ جائے گا اور اگر سوچ لیں گے کہ جو نصیب میں ہوگا وہ آپ تک خود بخود پہنچ کر رہے گا تو زندگی گزارنی آسان بھی ہو گی اور بابرکت بھی۔ آپ فکر مند نہ ہوں، آپ کا رزق آپ تک ضرور آ جائے گا، یہ میرے اللہ کا وعدہ ہے، بلاوجہ خود کو مشکل میں نہ ڈالیں، ورنہ پریشانیاں ہی حصے میں آئیں گی۔

یہ بھی پڑھیں: کیا آپ بھی شوبز انڈسٹری کا حصہ بننا چاہتے ہیں؟ مقبول اداکار ہمایوں سعید نے ٹیلنٹ ہنٹ کا آغاز کردیا

برج جدی - سیارہ زحل (21 دسمبر سے 19 جنوری)

اگر آپ دل کے صاف ہیں اور ہر ایک کے ساتھ مخلص ہیں تو پھر آپ کے ساتھ کچھ بُرا نہیں ہوگا۔ اگر دو چیزوں کے ساتھ دنیاداری کررہے ہیں تو پھر مسئلے تو پیدا ہوں گے۔ آپ حق اور سچ کے ساتھ کھڑے رہیں۔ آپ کی بھی پریشانیاں کیسے ختم ہوتی ہیں اور کس اندازہ سے ختم ہوتی ہیں، آپ کو گمان بھی نہ ہوگا کہ ایسا بھی ہو سکتا ہے۔ شکر ادا کریں اور سیدھا راستہ اختیار کریں۔

یہ بھی پڑھیں: سندھ بزرگوں کو سہولتیں دینے والا پہلا صوبہ بن گیا

برج دلو - سیارہ زحل (20 جنوری سے 18 فروری)

سارا دن دماغ پر کسی نہ کسی کا اگر بوجھ محسوس کررہے ہیں تو استخارہ ضرور کریں تاکہ اصل حقیقت معلوم ہو سکے۔ ممکن ہے کوئی درمیانی مسئلہ اور وجہ ہو جو آپ کو دکھائی نہ دے رہی ہو۔ استخارے سے جو معلوم ہو، آپ اس کو غور سے سوچیں پھر اس لحاظ سے اپنی اصلاح کریں۔ جو غلطیاں ہوئی ہیں، ان کی معافی مانگیں، اللہ پھر راضی ہوں گے تو راستے بھی کھول دیں گے۔

برج حوت - سیارہ مشتری (19 فروری سے 20 مارچ)

آپ چھوٹی موٹی باتوں کو لے کر ہرگز پریشان نہ ہوا کریں ورنہ بیمار ہوجائیں گے۔ اللہ کسی بندے کا بُرا نہیں کرتے۔ بندہ ہی ہے جو اپنا خود بُرا کرتا ہے۔ دل، جذبات، خیالات اگر قابو میں رہیں تو انسان بہت سی مشکلات اور خرابیوں سے بچ جاتا ہے۔ جب اپنے خیالات میں خرابی لائیں گے، موبائل کا استعمال فضول کاموں میں ہوگا تو مسئلے خودبخود بن جائیں گے۔ فی الحال صدقہ دیں۔