عمران خان کے وکیل انتظار پنجوتھہ اٹک سے بازیاب، پولیس نے ساری کہانی سنادی

بازیابی کی خبر

اٹک (ویب ڈیسک) پاکستان تحریک انصاف (پی ٹی آئی) کے بانی عمران خان کے وکیل انتظار پنجوتھہ کو پنجاب کے ضلع اٹک سے بازیاب کرالیا گیا۔

یہ بھی پڑھیں: پاکستان کا دورہ بہت کامیاب رہا ،میری امید سے 10 گنا زیادہ محبت ملی ہے، ڈاکٹر ذاکر نائیک

پولیس کی کارروائی

ڈی پی او اٹک ڈاکٹر غیاث گل نے انتظار پنجوتھہ کی بازیابی کی تصدیق کرتے ہوئے بتایا کہ پولیس نے مشکوک گاڑی کو روکا۔ جب ملزمان نے گاڑی بھگا دی تو پولیس نے ناکہ بندی کرکے تھانہ صدر حسن ابدال کی حدود میں گاڑی کو روک لیا۔

گاڑی رکنے پر ملزمان نے فائرنگ شروع کردی، جس کے جواب میں پولیس نے بھی فائرنگ کی۔ اس دوران ملزمان گاڑی چھوڑ کر فرار ہوگئے۔ پولیس نے گاڑی کو چیک کیا تو اس میں موجود شخص نے اپنا نام انتظار حسین پنجوتھہ بتایا اور انہوں نے بتایا کہ اغوا کاروں نے ان کی ٹانگیں باندھی ہوئی تھیں۔

یہ بھی پڑھیں: جنرل ساحر شمشاد مرزا سے سری لنکن فضائیہ کے کمانڈر کی ملاقات

بیان اور تاوان کی طلب

ڈی پی او اٹک کا کہنا تھا کہ انتظار حسین پنجوتھہ کو تھانے منتقل کرکے ان کا بیان ریکارڈ کرلیا گیا ہے۔

ایکسپریس کے مطابق انہوں نے بیان میں کہا کہ ملزمان میرے اہل خانہ سے دو کروڑ روپے تاوان مانگ رہے تھے۔

ویڈیو رپورٹ