بھارتی فضائیہ کا ایک اور مگ 29 طیارہ گر کر تباہ

بھارتی فضائیہ کا مگ 29 طیارہ گر کر تباہ

لکھنؤ (ڈیلی پاکستان آن لائن) بھارتی ریاست اتر پردیش میں بھارتی فضائیہ کا ایک اور لڑاکا طیارہ مگ 29 گر کر تباہ ہوگیا۔

حادثے کی تفصیلات

بھارتی میڈیا کے مطابق لڑاکا طیارے نے ریاست پنجاب کے آدم پور سے آگرہ کے لیے پرواز بھری تھی۔ یہ طیارہ آگرہ میں ہچکولے کھاتے ہوئے ایک آبادی کے نزدیک کھیت پر گر گیا۔ طیارے میں لگنے والی آگ نے پورے کھیت کو اپنی لپیٹ میں لے لیا۔ طیارہ آگرہ میں جنگی مشق میں حصہ لینے کے لیے جا رہا تھا۔

پائلٹ کی سلامتی

حادثے کے وقت پائلٹ نے پیراشوٹ کی مدد سے خود کو محفوظ طریقے سے باہر نکال لیا۔ پیراشوٹ کے ذریعے زمین پر گرنے سے پائلٹ کو معمولی چوٹیں آئیں ہیں۔

تحقیقات اور عینی شاہدین کی گواہی

انڈین ایئرفورس کے ترجمان نے بتایا کہ تاحال حادثے کی وجہ معلوم نہیں ہوسکی تاہم واقعہ کی تحقیقات کے لیے انکوائری کمیٹی تشکیل دے دی گئی۔ بیان میں کہا گیا ہے کہ پائلٹ نے اس بات کو یقینی بنایا کہ زمین پر جان یا مال کو کوئی نقصان نہ پہنچے اور پھر طیارے کو چھوڑا۔ عینی شاہدین کا کہنا ہے کہ سال کی بھر محنت سے تیار ہونے والی فصل طیارہ حادثے میں جل کر خاکستر ہوگئی۔ اگر مزید آگ پھیلتی تو کئی گھر بھی زد میں آجاتے۔

کسانوں کا مطالبہ

کسانوں نے فصل کی تباہی کے معاوضے کا مطالبہ کیا اور کہا کہ امدادی ٹیموں کی تاخیر کی وجہ سے انہیں بہت نقصان ہوا۔